غازي الشيباني

[عابـــــر]

قصيده قالها غازي مهنا الشيباني عندما شاهد البرق وشاقه فتذكر جماعته
البدو في جنوب حلبان ،،، وارجو من الأخ النويري او ابن مشيب او الدلبحي او من يستطيع ، أن يتكفل بتنسيقها .

كريم يابرق بعيد سحابــــــــــــــــه = جعله على هاك المشاريف صباب
جعله على المشقوق يسقي ترابه= ويسقي سحيله والينوفي وعبـــاب
والهضب من سيله تدفق شعابــه= دار يحن القلب يمه ولو غــــــــاب
دار بها تسمع تعاوى الذيابـــــــه = فيها النبشتي ما يوقف على الباب
منزال ربع كل ابوهم قرابـــــــــه = ما بين عم وخال ما فيهم اجنـــاب
قلبي كما دلو تجدد خرابــــــــــــه = يقفي ويقبل بين غارف وجـــــذاب
دلي على عد قليل شرابـــــــــــه = لاروى الهليك ولا لقا عنه مجناب
شفي بمشقوق جديد خصابـــــه = فيه البيوت اللي تبنا بالاطنــــــــاب
اخير من قصر الا صك بابـــــه = اليا لفاه مسير من هله هــــــــــاب
سلم الحضارة خاطري مارضابه = لكن اطيع الوقت والوقت غصـــاب
كل على ما قيل وقته مشابـــه = وانا بوقتي سرت والكيف ما طــاب
قلب ذكر ما ضيه جدد عذابــه = والراس من كثر التفاكير قد شــاب

[فواز الشيباني]

اخي عابر
صح السانك ولسان غازي مهنا الشيباني

الله يعطيك العافيه
ولا هنت يا غالي

[ابـن نـعـيـس]

اخي العزيز عابر

صح لسانك ولسان غازي

قصيده رائعه

واسمح لنا بتنسيقها

اخوك / ابن نعيس الشيباني


تحياااااااااااااااااااااااااااااااااااااااااااااات ي

التوقيع

[وليد الزراقي]

مشكور على النقل
وصح السان راعيها
تحياتي

[عابـــــر]

أشكر مرورك يا فواز وصح بدنك ، ، ،

[عابـــــر]

مشكور يا بن نعيس على التنسيق الرائع . . . والشكر موصول يالزراقي على مرورك وصحة ابدانكم جميع

[كلاشنكوف]

مشكووووووووووووووووووووور / اخوي عابر
علي تقديم هذهى الابيات الرائعه
صح لسان الشاعر/غازي الشيباني

[عابـــــر]

صح بدنك يا كلاشنكوف ولا شكر على واجب وشكرا لمرورك

[مقبول الشيباني]

يعطيك العافيه ياعابر وصح السان غازي

[ذيب الشيباني]

صح السانك ياعابر والسان الشاعر الكبير غازي الشيباني