ماكان لي رغبة بنشر القصايد !!!

[ابـن نـعـيـس]

بسم الله الرحمن الرحيم

السلام عليكم ورحمة الله وبركاته

هذه القصيدة للشاعر : زايد شقير العتيبي

ماكان لي رغبه بنشر القصايد=ولابي قصيدي ينكتب بين الاوراق
شعري على صدور العذارى قلايد=وللصعب في نضم الطواريق تواق
ولانيب من يرجي بشعره فوايد=عمر الشعر ماكان سلعه بالاسواق
الشعر نبض احساس شوق(ن)تزايد=يرقى به الشاعر على متون الافاق
ولاللشعر من بين هالناس رايد=شمس المغيب اول بداياتها اشراق
والحين شعري باكتبه فالجرايد=يمكن ليامنه طلع ياصل اشواق
نار المفارق في ضلوعي تقايد=سعيرها في داخل الروح حراق
كن الجروح اللي بقلبي جدايد=والروح للي راح توله وتشتاق
وماللدوى في مثل حالي فوايد=حتى الكوي وشلون نكوي بالاعماق
ماكان لي رغبه بنشر القصايد=وش عاد لو اسمي طلع بين الاوراق

منقووووووول

التوقيع