وساع الفجوج : عبدالله بن سميح

[أبن حشيان]

اخواني الله يسعد جميع اوقاتكم بكل خير حبيت اليوم اجيب لكم هذه الرائعة والتي

من روايع الشاعر الكبير والغني عن التعريف والتي له باع كبير في الشعر

من خلال الصحف المحلية والمجلات الشعرية قبيلة اكثر من عشرون سنه

والتي انقطع عن الظهور لسباب مشاغله الوضيفية ،،، هو ؟؟


{ الشاعل عبدالله بن سميح العتيبي }

فداك الكرى ياهاجسي والهجوس ارقـود =مجاضيع في صدرٍٍ عنا الوقـت ماضَـدّه
عليك وعلى دعواه زهر النجوم اشهـود =اليامن غـارات الدجـى جـات منهـدَه
تجوب الضمير وتستبيحه بدون احـدود =الين ان مفتـول العزايـم وصـل حـده
وجاء للمعاني في خشوم المزون ارعـود =وقامت تواشى في سمـا الفكـر محتـده
وهلت على بيد الضما وازهـر المـردود =وانا اللي تجاهلت الطواريـق مـن مـده
بعد ما امتهنها الفج والمجحف النمـرود =ورجم الغنـا كـلٍ تهقـواه مـن جـده
علام الضعوف استرسلوا فالردى ياسعود =وأنـا اقصـر وزلات الجهاهيـل ممتـده
طمع راعي الخمعات في حلمي المعهـود =ولولا الترفـع كـان قـد جـاه ماسـده
ترفعت حشمة لاتخاذل وضعـف ازنـود =ماابيها يابوفيصـل تجـي داخـل البـده
عذرت السفيه الغر واضحى السفيه العود =بغيتـه يـرد الخايعـة وانفـرث سـده
وانا اللي بذلت الجود والمنصفين اشهود =لكـن الهزيـل النـذل وش تنتظـر رده
وانا اقول للسيد واثني علـى المسيـود =اهـل هـدةٍ ياويـهـا فالقـفـا هــده
سراب النيا والبعد ياهل القلـوب السـود =جزاكم وعـن شوفتكـم الصـده الصـده
وساع الفجوج وخوة الجرهـد الممـدود =مـلاذ الكريـم الحـر عـن هاتـه ووده
عن مصادم الجهال فالمحفـل المشهـود =بحجـة حكيـمٍ حجتـه تنقلـب ضــده
وانا وش مصبرني على مجلس المنقـود =وعلى لجـة الجهـال حـد الخبـل رده
وش ارجي من الناقص وهو يدعي بالزود =لو النقص منه ومن حفيده علـى جـده
خبيث الدغايل راعـي الكبـوة الممـرود =رفيق الرخا اللي جوده الشمـت فالشـدة
لحى الله زمان المال خلى القـرود فهـود =وصار الهلامه مايشـوف العـرب قـده
تجرى على سهج المجالس بـدون قيـود =ولا يرتدع مهمـا تلوحـه علـى خـده
تبجح بعد علَى رصيـده معـاش الخـود =واشاد القصور وماقف اهل الوفـا هـده
ولويمدحه حامد ولـو يمدحـه محمـود =يمد البخيـل المـد ماهـوب مـن مـدَه
وانا اللي بعرف اهل الوفا والندى مسنود =ونفسي بهم عن جملـة النـاس مستـده
وانا ماامدح الهافين وابحث عن المردود =والبس وشاح القيـل مـن لايجـي قـده
أماري براع الجود لوهـو بعيـد اجـدود =خطاة ابلجٍ بابـه عـن الضيـف مـارده
بنى سمعته بالعلـم والحلـم والمجهـود =تفانى وعلَى صرح الامجـاد مـن كـده
تسابق معاريفه لمـن يطلبـون الجـود =كريم لـو انـه يبـذل الجـزل ماعـده
وابن عمي الواقف اليا صار مامن فـود =لياصـار مـال يديـه فالطايلـة شـده
تجاهلت عرفـه لوحدتنـي ليـال الكـود =ولويعترض شبـح النظـر فيـه مالـده

[راشد النفيعي]

ابن حشيان

قدمت لنا قصيده جزله اعتبرها من عيون الشعر

وهذا الراي يخصني . اعجبتني كثيرآ ترددت عليها كثيرآ

لم امل من قرائتها . اتت كـ قطع الذهب الصافي والغريب المحزن

انها من الفجر يوم امس لم اجد عليها ردود

لااعلم اين ذهبت الذائقه الشعريه

صح لسانك ولسان شاعرها ومن قراها

[أبن حشيان]

المشاركة الأصلية كتبت بواسطة راشد النفيعي

ابن حشيان

قدمت لنا قصيده جزله اعتبرها من عيون الشعر

وهذا الراي يخصني . اعجبتني كثيرآ ترددت عليها كثيرآ

لم امل من قرائتها . اتت كـ قطع الذهب الصافي والغريب المحزن

انها من الفجر يوم امس لم اجد عليها ردود

لااعلم اين ذهبت الذائقه الشعريه

صح لسانك ولسان شاعرها ومن قراها

راشد النفيعي


عافاك الله يالغالي اعتقد ان الربع مشغولين في المحوال ورا البل والمزاين في ام

رقيبة ولاكن انا اعتبرهم موجودين في كل مكان وانا سررت بمرورك الرائع

وصح بدنك بالنيابه عن ابو متعب والله لايهينك


ويليك هذه البيات والتي ارجو ان تمعن فيها وتستمتع بها

ياديرتن فيك مسراحي و مرواحي=عسى المطر من صدوق الوسم يسقيها
تشبع بها النوق في اليوم الضحى الضاحي=و يرقد بفيت عصاه الصبح راعيها
بنى بها عمر بيتن فيه مصباحي=و المزرعة جاب حراثة تساويها
يقول أنا مستعد أصير فلاحي=أبذر بذوري و أجيب الماء و اسقيها
و يقول ابا ازرع بها خوخ و تفاحي=و الخوخ ينبت بلبنان ضواحيها
راعي المثل قال للمجنون و الصاحي=الكلمة اللي جميع الناس تاعيها
تزيني للعمى يا بنت و ارتاحي=ماشافك الا المراه اللي حضنتيها
و الماء يتبخر ليامن القدر فاحي=و النار ماتحرق الا رجل واطيها
و من مدك اليوم بكره قال لك باحي=الرجل مايكسب الناقة و يهديها
دنين تعرضك ضحاكن و نباحي=و ايامها المقبلة قشرن شواريها
يا حادي العيص لمناحي و دناحي=وراك يم الطريق الوعر حاديها
بكره يقولون راجع جورج سرداحي=عندك ثلاث الوسايل و استعن فيها

آخر تعديل أبن حشيان يوم 16-Jan-2013 في 11:19 PM.

[ابو طارق الشمري]

تســــــلم يابوخالد وصح لسانك ولسان أبومتعب ملاااايييين وبيض الله وجهك و وجهه
كل ما اقراها احس اني اقرأها لأول مرة لروعتها وما تحمله من معاني وحكم
ثم إن هذه القصيدة تستحق الحفظ لكي يرددها ويســتفيد منها الأجيال القادمة
تحياتي لك وللشاعر أبومتعب ودمتم بحفظ الله.

[أبن حشيان]

المشاركة الأصلية كتبت بواسطة ابو طارق الشمري

تســــــلم يابوخالد وصح لسانك ولسان أبومتعب ملاااايييين وبيض الله وجهك و وجهه
كل ما اقراها احس اني اقرأها لأول مرة لروعتها وما تحمله من معاني وحكم
ثم إن هذه القصيدة تستحق الحفظ لكي يرددها ويســتفيد منها الأجيال القادمة
تحياتي لك وللشاعر أبومتعب ودمتم بحفظ الله.

ابو طارق الشمري


ارحب تراحيب المطر يالنشمي اسعدني مرورك الرائع الله يسعد هالوجه

وصح بدنك ترليون ولاتكفي اكرر شكري لك وتقديري