تابع موضوع من رجالات السياحين

[خالد السيحاني]

تابع من رجالات السياحين

ضيف الله بن مسفر بن صقر السيحاني العتيبي

ولد في بلدة الداهنه عاش رحمه الله مع والده ( مسفر القعيب ) ثم انتقل لبلدة اشيقر فترة من الزمن
وبعدها توجه لمحافظة الاحساء وعاش بها فترة طويله
عرف عنه القوة والهيبه
عمل في الاحساء
ثم عمل في الفوج التاسع بالدمام ( رئاسه الحرس الوطني) من 01/01/1375هــ الي ان تم احالته للتقاعد في 01/01/1416هــ

توفي رحمه الله في عام 1432هــ

أبيات لمسفر بن ضيف الله بن مسفر السيحاني


أظلمـنّ الشـوارع واظلمـنّ المبانـي واظلـم البيـت كـلـه يالله الخـيـره


عقب راع الكرم والطيب حلو اللسانـي عقـب راع المعـزّه طيّـب السـيـره


دمعي اللي تحدّر مثل صـبّ السوانـي كبدي اللـي لهبهـا مثـل نـارٍ سعيـره


عارفن ماعلى الدنيـا والانسـان فانـي ميـر فقـد العزيـز يسبـب الحـيـره



راعي العـزّ كلـه مامشـى فالهوانـي يشهد اهل المكارم يشهد اهـل البريـره



راعي الدين والاخلاق واسمى المعانـي مايغـرّه سـراب ولايكـوده عسـيـره



للشجاعـه مواقـف ماوقفهـا الجبانـي طيب قـولٍ يقولـه طيـب رايٍ يشيـره



جعل ابو صقر فالفردوس واعلى الجناني تحـت رحمتـك يالله ياعليـم السريـره



يالله انّـك تظلّـه يـوم لاظـل ثـانـي يالله ارحمه واغفر كل ذنـب وصغيـره



له من الابناء عدد 7 وهم متواجدين في محافظة شقراء
رحمك الله يابا صقر وادخلك الجنان