جديد - مستور العصيمي و محمد السناني - ( يالعصيمي وش تشوف من الزمان الماضي )

[مرقاب الشمال]

محمد السناني:
بعد ماجاب القصير مسرح المغتره..ياالعصيمي وش تشوف من الزمان الماضي
الله اكبر مانشوفك بالسنه ولو مره..بعد ماكنت المعلم والحكم والقاضي



مستور العصيمي:
القصير ياعميل الخير لله دره..الرشا والدلو دلو هذيل يملى الحاضي
يامحمد مانجامل والرحا مفتره..امرنا بمر الله المعبود ماضي ماضي


محمد السناني:
البنادم يعرف اللي ينفعه ويضره..والعرب ماعاد يطربها الكلام الفاضي
ان تحداك الزمن الله يكافي شره..اكتب الذكرى على الأطلال والأنقاضي


مستور:
عصرنا هذا يابن متروك عصر الذره..خلنا ياصاحبي ناخذ لنا مركاضي
ماتلفت غير يم الحضرمي والجره..مايهم القوم لا عيضه ولا عواضي


محمد:
البشر في مجمل الأفكار ماهي حره..انت متغاضي وانا ماني معك متغاضي
العميل اللي وجودك ينفعه ويضره..الدروب امست على دربك طوال عراضي


مستور:
لاتدربي لك حصاة من علو الحره..الحجاز احجاز ابويه والرياض رياضي
الحرامي مايغر اللي يقص الجره..ياطبيب الصيدله نص العباد مراضي


محمد:
راحت الحلوه يابو تركي وجات المره..كلنا نطلب من المولى خلف وعواضي
الوسايل تنتشر والألسنه مجتره..كلمة وحده تعيد الدين للمتقاضي


مستور:
ان نزلت البحر هات اللولوه والدره..وان غدت من يدك يامحمد فداك عكاظي