ياناشدً تبغا المدايح من الناس=تنشد وانا بعطيك مني نصيحه
قدم يمينك بالوفاء وارفع الراس=وان جاك ضيفك بادره بالذبيحه
المرجله تبغي صبيً على ساس=يتعب ويشقى لجل كسب المديحه
واهم منها كان لك قلب واحساس=صل الفروض الواجبات الصريحه
ترى الحياء و الدين عزه و نوماس=والشرع طبً للقلوب الجريحه
من يتبع الانذال يبشر بالأفلاس=مامن ورى الانذال غير الفضيحه
ومن يتبع اهل الطيب لايشكي الباس=ينهج مناهيج الدروب الصحيحه
ولو ماتت الاحلام في عالم الياس=ترى الامل فالقلب ينضح نضيحه
اخذ الحذر لا يطعنك رمح جساس=طعن الغدر طبع الوجيه القبيحه
وانته يا خالد جعل تفداك الأنجاس=لجلك كتبت المفرادات الفصيحه
« آخـــر الـــمـــشـــاركــــات »
العرض الشجري