عوائل الدلم / الخرج

[الحقــ آل ناصر ــباني]

المشاركة الأصلية كتبت بواسطة رقاد

سلام علاكم



لاهنت على الموضوع الجيد ياحقباني والعوايل كثيره من يحصيها

عندي سوااال عن سلام الوبيري صاحب القبر المسماه الحديقه عليه متى زمنه ومن اي قبيله

والرجل شكله كان مهم يمكن في الحكومه


وعائلة الخليوي ماذكرتهم مع العوايل وين ينجعون


وشاكر لكم ياحقباني

وعليكم السلام ولا تهون

بالعكس بالنسبة لعوايل الدلم اشوف الموضوع عد 99% من اهلها والنازلين فيها و انا شخصيا متعجب من الي كتب الموضوع واضح انه بذل فيه جهد و ترى الموضوع يا اخوك خاص باهل الدلم الي هي مركز الخرج التاريخي وفي نفس الوقت يشير لقرى الخرج الي حول الدلم لانه يا طويل العمر والسلامة الي يسمونها الناس الحين الخرج اسمها القديم السيح والحكومة رجعو اسمها القديم الحين وهذا الصحيح وهي مليانة من خلق الله من غير اهل الخرج من كل قبايل المملكة بلا استثناء ولو اعدهم والله ان اصبح وانا ما خلصت هههه و السيح هذي حديثة وشيبانا الكبار يذكرونها اول ما فيها الا الذيابة وسميت السيح لان السيول تسيح فيها والحين ما شا الله قام عزها وصارت عاصمة الخرج

الخليوي ما خبرت في الدلم خليوي الظاهر انهم ساكنين في السيح اسمع بهم والظاهر بعد ان اصلهم من القصيم ما تأكدت بس الوكاد موب من اهل الدلم

قبر الوبيري معروف والظاهر انه عجمي من آل شامر ومذبوح في حرب من الحروب الكثيرة الي وقعت في تاريخ الخرج والعجمان ما شا الله اهل حرب وشجاعة ولا تهون باقي القبايل و تاريخهم في الخرج متوسط اقصد موب قدبم جدا ولا هو بحديث جدا جيتهم والله اعلم مع سعود بن فيصل بن تركي في عهد الدولة السعودية الثانية وهم خواله ووقفو معه في حروبه ضد اخوانه اتوقع جيتهم الخرج من 150 سنة بالكثير وفي نجد كله تاريخهم 300 سنة بالكثير لانهم معروفين جايين من نجران من يام ،،،،

آخر تعديل الحقــ آل ناصر ــباني يوم 23-May-2012 في 03:55 PM.