ومازال مسلسل حمران النواظر مستمرا

[ابن سهاج]

اشكر الاخوين ابن هوازن والبيضاني على هالمناقشه الطيبه وسعة الصدر والروح

الجميله بين المتحاورين . ووعتيبه وحرب من كبار القبايل العربيه الاصيله وونعم في الجميع .


وعندي مشاركه للاخ د| البيضاني في القصيده اللي عد فيها ذبحة شيوخ عتيبه

بالنسبه لمارق الضيط صحيح ذابحته حرب والقصه معروفه عند الطرفين ذابحه بواردي من حرب

ومارق مايضرب الا بالسيف ويحق لحرب الفخر وايضا بدر ( شلهوب) ذابحته حرب ومعروف قصته معهم

وايضا شليل بن نجم .. بس بما انك يالبيضاني تقول انكم ذابحين من شيوخ عتيبه عندي نقطتين :

_ خربوش اللي ذكر في القصيده هو خربوش الشايوش احد فرسان العضيان البارزين وذابح ٍ الذويبي اخو خربوش

امير بني عمرو ولم تذبحه حرب بل مات على فراشه هذا اولا ، ثانيا خربوش من فريس العضيان الكبار وليس

شيخا كما تفضلت وادعيت انه من شيوخ عتيبه؟

وخربوش يوم انه تفوه بالغريـر=لابد ترميه المنايا هو قضاه

فهل فهمت من البيت انه قتل من قبل حرب ؟

_ ابن بشيّر اللي ذكر في القصيده لا ادري انت تقصد هادي بن بشيّر والا مصلح بن بشيّر وكلاهما من ( فرسان)

العضيان البارزين . وفرق يارجل بين الفارس والشيخ ؟

اما هادي بن بشيّر فقتل في معركه قادها صنيتان الضيط وهو شاب ضد شمر وكانت معركه بلا منتصر قتل فيها

الكثير من الطرفين وتسما يوم ( ذبح الشوخ) .

اما الفارس مصلح بن بشيّر فقد انهزم من امامه الشيخ الفارس ناهس بن فاجر الذويبي . فقال مصلح( خيّال

بعيدة المسراح يالبخار.. عوّد) فقال ناهس يابني عمر في فمي بخره قالوا بخرتك الهيل ؟

هذا اللي بغيت اوضحه يالبيضاني وهناك فرق بين الشيخ والفارس والرجال اللي عديتهم من خيرة فرسان العضيان

وعتيبه بشكل عام بس لابد من توضيح الامور.

وفي الاخير حرب وقحطان ومطير وشمر وعنزه .... والخ من القبائل الاصيله نكن لهم كل احترام وتقدير

وكلنا اولا واخيرا مسلمين موحدين نعبد الله ونشهد ان محمد رسوله والله ينصر المسلمين في كل زمان ومكان..

اخوكم.