عمامة هوازن

[نايف عناد]

السلام عليكم ورحمة الله وبركاته

من بعد غيبه حبيت يكون تواجدي بهذه القصيده التي اعتبرها هديتي لكم حيث احببت ان اشاركم بها والتي آمل ان تحوز على اعجابكم

ياقايل ونعم مالك في نعم منه = حنا هله من قبل عارب ومستعرب
حنا عمامة هوازن مشلح السنه = اول خدم في حرم مكه وفي يثرب
المدح له في بياض وجيهنا جنه = يطرب ! وبيض الوجيه لمدحنا تطرب
يوم أكثر الناس يشكي واهج الكنه = حنا على المجد شمس مالها مغرب
ون جاء نهارن سباع الموت يردنه = وقام الحدب فالجماجم يقضع ويضرب
حنا هل السيف والمسنون والعنه = ومصادم القوم يوم القوم ماتقرب
كبيرنا حد سيفِ ما انثلم سنه = في خانة الاملح وعمهوج والاجرب
وصغيرنا يشرب الفنجال يومنه = ينساق فالمجلس المليان مايشرب
من سمعته مترفات الغيد يهونَه = اللي للامثال من طيب اصلهن مضرب
حنا حماة الدخيل اللي على ظنه = لو فلت ابله بمفلى الجرب ماتجرب
ردينا لو شفوفه مايطيعنه = اليا ثنى ما انثنى وليا انكرب يكرب
ندمح خطا الجار لاجل رضاه ونكنه = ومن كلمة الحق مانزعل ولانهرب
وبخيلنا فالقسى اللي ييبس الشنه = يجود في وقتن ابه الجود يستغرب
هيلا عرب واسمنا له فالعرب رنه = اسمن على فعل لو الاسم مايعرب
ياقايل ونعم مالك في نعم منه = خلك مثل ما انت لا تبعد ولا تقرب
هن ابلدن فيه لعتيبه علم هنه = من شاطي الدوحه ليا شاطي المغرب

وسلامتكم

نايف بن شفّاي ابن بشيّر

[الغضنفر]

,وعليك السلام ورحمة الله وبركاته تجوز يانيف النا كيف ماتجوز وصح لسانك وبيض الله وجهك على ها الابداع الغير مستغرب منك ياالامير

[عثمان الثبيتي]

بيض الله وجهك يانايف عزالله انك طويل ذراع وربعك يستاهلون المدح وفيت طال عمرك وصح السانك

والله يشفي ابوفيصل ونشوفه قمر تلالا اشاراقاته في سماء الابداع الشعر بدون حبيب ماهو شعر

ولا ننسا العملاق مستور ندعوله بالشفاء وطول العمر

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[محمد الذيابـــي]

صح لسااااااااااااااااانه

التوقيع

التوقيع محمد الذيابـــي

[عزارم]

صح لسانه وشكرا لك يا طيب

[محمد القوس]

صح لسانك وبيض الله وجهك

قصيده

نقول اجزل من جزله

و تسلم

[مهدي الأعصاب]

تسلم يمينك
وصح لسانك

[نايف عناد]

المشاركة الأصلية كتبت بواسطة الغضنفر

,وعليك السلام ورحمة الله وبركاته تجوز يانيف النا كيف ماتجوز وصح لسانك وبيض الله وجهك على ها الابداع الغير مستغرب منك ياالامير

ياهلا ومرحبا يا الغضنفر
وصح بدنك اهم شي اعجاب اللي مثلك وشرواك لاعدمتك
وقبيلتنا عتيبه تستحق الكثير منا
وهذا اقل مانقدمه للهيلا وابطالها
اقبل تحياتي واحترامي

[نايف عناد]

المشاركة الأصلية كتبت بواسطة عثمان الثبيتي

بيض الله وجهك يانايف عزالله انك طويل ذراع وربعك يستاهلون المدح وفيت طال عمرك وصح السانك

والله يشفي ابوفيصل ونشوفه قمر تلالا اشاراقاته في سماء الابداع الشعر بدون حبيب ماهو شعر

ولا ننسا العملاق مستور ندعوله بالشفاء وطول العمر

صح بدنك ووجهك ابيض ولا عليك زود
ياعثمان الثبيتي
لاهنت على مرورك
والله يشفي ابو فيصل وابو تركي ويطول بأعمارهم

[نايف عناد]

المشاركة الأصلية كتبت بواسطة محمد الذيابـــي

صح لسااااااااااااااااانه

صح بدنك
لاهنت على المرور