جبل الصاقب من جبال الشيابين جنوب نجد .. صور

[الفهاد]

عسى ماشر يالسعدي الهوازني

نعم

من الادالكريزي مبعدين الهقاوي ...... من فعلهم نسكن ديار القحاطين




.............

بالنسبة للصاقب من ديار المقطة

يقول الشاعر شالح الحمقي في وقت ابن هندي يصف الحدود المقطة


ماكفة القوز الحمر من ترابه////وماطره حاضة وأقبل به خســران

دار مـراقبـها ســوات الذيـابه////قحـز الشفا,عله من الوسم ودان

القوز عرق سبيع
حاضة ورى الصاقب حد المقطة مع سبيع
خسران شمال الحوميات بالقرب من عفيف


الحين الحمدلله على الرخاء والامان والعافية

[الصاقب]

الفهاد لاهنت كلامك في محله والصاقب من ديااااااااااااااار المقطه وشكرا

[الكرمان]

ونعم بلاد مشيب مشكور على هذه الطرح الجميل

[فهد الشيباني]

ماعليكم زود جميع
وعسا ديار عتيبه جميع للسيل


يالفهاد ترى لاطاح الربيع الناس كلها تربع شمال
هذا مايعني انها لهم .."


الهضب يالفهاد ينقسم الى ثلاثة اقسام :

1 - الجهة الشماليه وهي للشيابين وفيها املاكهم وابارهم مثل ( الغبياء وحروس )
2- الجهة الجنوبيه وهي للدواسر وفيها املاكهم
3- الجهة الجنوبيه وهي لسبيع وفيها ابارهم ثرياء وعراعر وجخجوخ

والمعروف انا الحزم والهضب الشمالي من ديار عتيبه وفيها املاكهم مثل العويجاء
وهي ملك صنيتان بن نوير من ذوي فهيد من الشيابين من عتيبه

وبياضا ابن حجنه وهي ملك شبيب ابن حجنه من النفعه من عتيبه
والهراره وهي ملك الفارسي من النفعه من عتيبه
والغبيا والضيرين فهي املاك ذوي فهيد من الشيابين ويقول الشيخ هذال بن فهيد رحمه الله
في قصيدته المشهوره :

ياراكبن من عندنا ثنتين * يم الجنوب مناحي تنصاه
يحرم عليه التيس والضيرين * والهضب مايشرب برايد ماه


وايضا من املاك الشيابين

صدغه ملك صنيتان بن نوير من ذوي فهيد
والشاميه للشوام من الشيابين من عتيبه وهي ملك قريش الشامي الشيباني
ومن البيوت المشهوره للشيخ هذال بن فهيد في ذكر الحمل قوله :

نرعى الحمل بمذلق العيدان
ديرة عشق وهديف ابن عبود

والحمل وادي يبدا سيله من التيس والضيرين في الحزم





هذا ماعندي وهو منقول "

[الفهاد]

ونعم يافهد

وكلامك كلة صحيح وفيت وكفيت

الربيع يختلف عن الصيف الربيع حدر يم الديار الحدارية
والصيف فوق يم العبال ويم الموارد الصعبة الشحية القليلة ماكل رجل يصيف بابلة فوق


بس النقاش حول جبل الصاقب فقط

وهو لقبيلة المقطة مجاور لقبيلة سبيع والصاقب وارة الان هجرة يقال لها الدواحي كانت ابار في الجاهلية للخنافرة من المقطة احفروها على وقت تركي بن حميد وتركوها قديما

والان هي في املاك سبيع في الوقت الحالي للقريشات


الاخ فهد اقر عنوان الموضوع فوق مكتوب الصاقب من جبال الشايبن

هذ الي خلاني اعلق على الموضوع

والا كلنا ربع وعيال عم وكلن عارف ديرة بس انا علقت للتنوية فقط

والاختلاف مايسبب للود قضية

آخر تعديل الفهاد يوم 21-Apr-2012 في 04:51 PM.

[عزارم]

سواء كان للشيابين ولا للمقطة عساه للسيل صيف و ربيع


وونعم بالشيابين و بالمقطة عيال عم و من قبيلة عتابه








ودي واحترامي

[فهد الشيباني]

ونعم فالمقطه ربعنا وعيال عمنا

يالفهاد طول النقاش يفتح البيبان
لكن عسا ديار عتيبه للسيل وديار المسلمين اجمعين



لاهنت يالفهاد وكلنا اخوان ..

[فهد الزهراني]

انعم واكرم بالديار واهلها عساها السيل المتتابع

تحياتي للجميع..

[ابو فيصل العطاوي]

عساة للسيل والربيع من بعد السيل
لا هنت يا حبيب قلبي

التوقيع

الوعي في العقول !!! وليس في ألأعمار !!! ألأعمار مجرد عداد لأيامك ؟ والعقول حصاد فهمك وقناعاتك للحياة ,,

[مزحم العتيبي]

ونعم بالشيابين والمقطه

لكن الصاقب معروف انه للمقطه وفي ناس يقولون انه الحد بين المقطه وسبيع


من جفرة الصاقب لحد الفقاره == من لارعى في الدبش ليه يقناه