الشاعر هتاش الهروال

[محمد الذيابـــي]

يا بيت الاجواد وين اللي بنولـك طيـب السـاس=وروس الرجاجيل ما عاشوا مـع التالـي علايـق
ما هانوا الروس والناموس يرفع هامـت الـرأس=ألا علـى مـن يبيـه ولا عرفلـه غيـر لايــق
الي يقول الكبير مـن العـرب ماعنـده إحسـاس=قولو برأي الجميـع لا حضرتـه يقـرا الوثايـق
والناس ما تضحك إلا مـن فقيـه يطبـخ الفـأس=والكـل يعنـي جنابـه والبنـادم غـيـر فـايـق
لازم نقـول الحقايـق والحقايـق تزعـل النـاس=لكن ولو كـان يزعـل نـاس يـا زيـن الحقايـق
أهلا وسهـلا نقدمهـا ليـا زعلـو بـالا ونـاس=نخلـي سبيـل السجيـن ولا تلاقـيـه العـوايـق
يحمر وجه الصغير والقصيـر كيـف يـن قـاس=تشـد لامعـة حمـاره بالحـرارة كـل سـايـق
يضرب بها أخماس وألا يا سفى يضرب بها أسداس=لا فـرق بيـن الاشقـى فالمضاجـع والشقـايـق
قل ليش أقول السماء والقاع تنضر ما بهـابـاس=تعاف عيشـت هـل الدنيـا ألا جنـه لـو توايـق
العالم العالـم الله فـوق نصـف العالـم أجنـاس=عـادي يعـش الكثيـر بغيبـة الإحسـاس رايـق
مشاهد المصخرة فاللـي يطـق الكـأس بالكـأس=ماشي على وين قال اصلي من الوقـت متضايـق
ما شوف لي بين روس القوم يوم أتشوف مجـلاس=واليبـهـم يالهبـايـب وجدعيـهـم بالحـرايـق
مـادام هـذي طلايعهـا ضنـاوي هـم واتعـاس=الهـم طرايـق توديهـم وحنـا ألـنـا طـرايـق

للشاعر : هتاش الهروال المرشدي
اعجبتني

التوقيع

التوقيع محمد الذيابـــي

[سلطان فهد المطيري]

صح لسان شاعرها وتسلم يد نقلها

[محمد الذيابـــي]

المشاركة الأصلية كتبت بواسطة سلطان فهد المطيري

صح لسان شاعرها وتسلم يد نقلها

اشكر مرورك ياسلطان

[الحوت الازرق]

صح لسان الهروال شاعر متمكن وحكيم

وتسلم يالذيابي على النقل المميز

[فهيد مقعد الرويس]

لاعجب في اعجابك بمايكتب هتاش

اشكرك يامحمد على اختيار هذه الرائع لشاعر الرائع

ومن وجهة نظري انه من الشعراء المضلومين اعلاميً

تحيتي وتقديري

[محمد الذيابـــي]

المشاركة الأصلية كتبت بواسطة الحوت الازرق

صح لسان الهروال شاعر متمكن وحكيم

وتسلم يالذيابي على النقل المميز

اشكر مرورك يالحوت الازرق

[محمد الذيابـــي]

المشاركة الأصلية كتبت بواسطة فهيد الرويس

لاعجب في اعجابك بمايكتب هتاش

اشكرك يامحمد على اختيار هذه الرائع لشاعر الرائع

ومن وجهة نظري انه من الشعراء المضلومين اعلاميً

تحيتي وتقديري

فهيد الرويس اشكر مرورك العطر