مستور العصيمي وحبيب العازمي والميزاني أحداث دراماتيكيه !!!

[سلطان ابن حامد]

المشاركة الأصلية كتبت بواسطة سلطان البقمي

http://www.otaibah.net/m/showthread.php?t=121616)



حمدلله حصلنا على المحاوره اللي انا شفتها في قناة الساحه وهذه المحاوره انا تابعت الميزاني من خلالها وحكمت


على انه شاعر قوي وصعب..



عبدالله الميزاني

يامرحبا عند من جينا على شانه
فواز ماكل من جيله يساوي له

عيال ميمون حد السيف وسنانه
حتى العصيمي يعد اللي نساوي له


مستور العصيمي

الك البقاء ياحصان جو في ميدانه
يالطيب اللي تناسبني تماثيله

من يوم ماقابل الديان ديانه
يومي لك الخير يالشاعر وتومي له


عبدالله الميزاني

براطم ناشفه وبطون جيعانه
لكن مستور غالي وش نسوي له

لا تسكن الغار وانت تشوف ديبانه
يحبي لك الموت من قدام تحبي له


مستور العصيمي

لا تقرب العود ابوشعله ودخانه
يبدي لك الصبح من مشرق وتبدي له

لن كان طامع بقلب الرجل ولسانه
اخر زمان العرب تكثر تهاويله


عبدالله الميزاني

راحت نجوم المجره الشام وكنانه
واللي معه حيل مايقدر على الحيله

من لا تبا تعرفه حاول بنسيانه
يصحي بك اللي تعرفه قبل تصحي له


مستور العصيمي

ياراعي البيت ليش تصك بيبانه
واللي يدورك يتعب وا بهاذيله

انا ليا اوحيت كلمه مالها خانه
يشتالها راعي الكلمه بزنبيله


عبدالله الميزاني

العش مايحتوي به غير عيدانه
ياشارع انكاس ياكبري معيزيله

اللي يولع في بيته ضر جيرانه
قبل امس والبارحه ماهو كما الليله


مستور العصيمي

كما يقول المثل وقت وعوانه
ياما اقشر ابا الحصين اليا رفع ذيله

الناس تلعب وتضحك منك طربانه
والكيف مايدرج في فناجيله


عبدالله الميزاني

مع كل سلطان غش ودس وبطانه
وابا الحصين إحي له للي يحالي له

تجيبها فارغه وتروح مليانه
ياويل مستور هذا الليل ياويله


مستور العصيمي

حصلت سلطان ماحصلت سلطانه
واليا بغيت ادخله ما اروع مداخيله

الليله انا كما اللي يلعب الدانه
ماعاد يمدي تحط الحمل وتشيله


عبدالله الميزاني

الوقت خربان واكثر ناس خربانه
يجيب مستور واخوانه تودي له

غيرك يامستور يبغى رش وصيانه
حتى الزبون العظيم اللي يجيني له


مستور العصيمي

لقيت فوق الرحى عشرين طحانه
واللي تخيله معك مستور ويخيله

هههههههههههههه

شر ّ البليـّة ما يضحك

ابي اعترف لك إنـّك في كلامك عن هذا الطاروق قبل اقراه واسمعه جعلت في داخلي بعض المخاوف من صحـّة كلامك

لأنـّه يقال يوم عتيبه والإخوان مع الملك عبدالعزيز كانوا يقولون بعض المهبـّطين لـ / العزايم أن هناك ما يسمـّى بـ / الطائرات ومن قوّة إيمانهم وعفويـّتهم كان سؤالهم ردّاً على هذا الكلام [ أقصد عتيبه والإخوان ] الطائرات هذي تحت الله وألا فوق الله ؟ فـ إن كانت فوق الله مالنا بها قدره وإن كانت تحت الله فـ هي بسيطه


وبـ ما إنّ الشاعر مستور العصيمي تحت الله حتـّى وإن كان شاعر كبير وهرم وعلم إلا إن الله على كل ّ شي ّ قدير

ولكن ليتك سلمت منه لـ / أنـّه ضد ّ ما تقوله عن الميزاني حتـّى وإن كان شاعر كان بـ / إمكانك إحضار طواريق أفضل من هذي له لـ تدعم حجـّتك وليس لـ تثبت شاعريـّته لـ / أنـّا أول من يشهد له بـ ذلك

أمـّا حشر مستور هههههههههههههه وفي هـ الطاروق عاد اسمح لي أقول لك [ قم بس قم ]

والدليل بيت مستور

انا ليا اوحيت كلمه مالها خانه
يشتالها راعي الكلمه بزنبيله


واستشهاد حاكم الغنـّامي به

وتحليل ابو فالح لـ / الطاروق

لا تنسى هم إثنين أنت ذكرت أسماؤهم وقلت أنـّك تقتنع بـ رأيهم ولن تتكلـّم بعد كلامهم

همسه لـ كل ّ عضو يحرص على وقته وفكره

المعرّف سلطان البقمي لا يستحق عناء النقاش معه بعد هذا النقاش

هي همسه لـ من يعي كلامي

التوقيع

توترتي هنيـّا : )