تحت العجاج مطر!.

[السفراني]

عيد العازمي

سلام ياعين المتابع والمطر عقب العجاج = براق فالمغرب وفالمشرق ليا فرّق نشا!!


وصلت هموم العالم الثالث غطا عنق الزجاج = وان طارت الغطوه يروح العالم الاول عشا



علي فلاح العضياني

يا مرحبابك يالمسلّم و إطلب الله فالخراج=فالشرق و المغرب ليا منّه مشا حالك مشا

ما بعد تعقيد الحجاج الاّ يجي فلّة حجاج=الأمر يالمخلوق للخالق يدبّر ما يشا


عيد العازمي

بين العداله واهلها عن عالم الفوضى سياج=والفضل لله ثمّ للي قدرهم جوف الحشا!!

روس التجنّي والتغطرس قدّمت وسط الحراج=وانته تغني للفجر من عقب توديع العشا !!


علي فلاح العضياني

الطيبيـن اللـي يعيشـون بمسـرّه و إبتهـاج=ما تستمع في كلمة الواشـي ليـا منّـه وشـا

و الفوضه اللي عودّت موضه و حجّه و إحتجاج=بعض العرب كلٍ على الثاني من الغيض إحتشـا


عيد العازمي

مادام منهج صفوة الاخيار فالديره سراج=سيّر بمان الله من الفيضه ليا واد الرشا!!

تبيّن المستور واالمايل بقي دونه زجاج=اللي بناها فوق جرف الدور جايه مارمشا!!




العبو العبو متابعين