المورقي والقرقاح وتنافس قوي ؟؟؟؟؟؟؟؟؟

[((الدلبحي))]

على المطرف والموالي من نظيفين القلوب= اثني سلامي عد ماهز الهواء غصن شجره
الشمس تغرب فالبحر وسهيل يبدي من جنوب= والسيف وسم العز في انصابه وبطنه وظهره
يالشاعر اللي جيتنا من شرق تدفعك الهبوب= يامرحبا مالاح برق الصيف وانهل امطره
الشمس تطلع مير تاليها تعود للغروب= والسيف وقع في صفىً قاسي وعاجه وكسره
بيني وبين عيال مفلح كلهم سيلٍ جذوب =لولا غلاهم طال عمرك ماحجزت التذكره
لا تحسب ان تفريق خلق الله مثل جمع الذنوب= والموت متقفيك والمسجد بجنب المقبره
يابو محمد مانقول انك صدوق ولا كذوب =الله يبارك بالشراب اللي يبل الحنجره
ياصاحبي لا ترشد الشعار لين انك تتوب =دايم تحدث وانت بين الميمنه والميسره
يازينها لا جات علمٍ غانم ومشلح وثوب= وان عًدمت فالميت اصله كلب والناعي مره
انته تجاهلنا وتطعن بالقبايل والشعوب= ماتدري انا لا كسرنا العظم محدٍ جبره
جاين على رغبتك يالقرقاح منته بمغصوب= واللي ورد عد الروى ربك يسمح مصدره
انتم بني قحطان لا شمر ولا انتم بالحروب= واللي حدر هاك السنين الماضيه في محدره
ماني ببيها طال عمرك لا غسول ولا شروب =الخير واجد ياعتيبه وابرد الثلج اكبره
حنى بني قحطان تاج المدح والنار الشبوب= وارماحنا في محزم الرجال والا منحره
ركبو ثنين الطايره واثنين مالقيو ركوب =الله يعين الحاجزين وقاطعين التذكره
حنى عتيبه من وحمنا يالع الضلع ويذوب= تحمد الله ياعبيدي يوم منته بحجره
انته صحيبك خزن الارقام في بطن الحاسوب= اثره يحاول يقهر العالم عسى الله يقهره
الحمد لله هيبتي في كل فج وكل صوب= وانته تحاول تقلب الدنيا على قرن بقره
يامدفع الاعياد ليه اهل الحسا سموك طوب= مافيه غير الملح ياجعل القنابل تفجره
عدونا ينحاش يالقرقاح وصياحه طنوب =حنى عمود الدين والمسلم يبا الله ينصره
اللي تزعله البياله ربما يرضيه كوب= والمدفع اللي قلت مايقدر يحركه اعشره

[الفراهيدي]

مشكور

على النقل الطيب

تحيااااااااااتي

التوقيع

AL-frahedi@hotmail.com

[((الدلبحي))]

الفراهيدي

يسعدني مرورك الكريم

تحيااااااااااااااااااااااتي

[فيصل المسعودي]

تشكر يالغالي


على النقل الموفق والاكثر من رائع


تحياتي

[سلوبودان]

الدلبحي بيض الله وجهك ياذوق


اختيار رائع ومشكووو

ور

[ابن سهاج]

بيني وبين عيال مفلح كلهـم سيـلٍ جـذوبلولا غلاهم طال عمرك ماحجزت التذكـره
لا تحسب ان تفريق خلق الله مثل جمع الذنوبوالموت متقفيك والمسجـد بجنـب المقبـره





يابو محمد مانقول انك صـدوق ولا كـذوبالله يبارك بالشـراب اللـي يبـل الحنجـره
ياصاحبي لا ترشد الشعار لين انـك تتـوبدايم تحدث وانت بيـن الميمنـه والميسـره


ههههههههههههههههههههههههههههههه ياسلام شعار لهم وزنهم في الساحه

لاهنت يابن دلبح على النقل

[((الدلبحي))]

اشكر الجميع على المرور


تحيااااااااااااااااااااااتي

[المرقاب]

اخي الكريم / الدلبحـــي

ما قصرت في نقل هذه المحاورة الجميلة
بين الشاعرين
ملفي المورقي . فلاح القرقاح

ونحن في انتظار اختياراتك الجميلة والرائعة

ومشكور على كل ما تبذله في سبيل تطوير منتدانا

اخــــوك المرقـــــــاب

ولد روق

[((الدلبحي))]

المرقاب

تسلم على طيب كلامك واوعدك ان شاء الله بمايسرك


تحياااااااااااااااااااااااااااتي

[الايداء1]

,

,

تسلم

يالدلبحي

على نقل هذه المحاوره الجميله

أمتعتنا بأنتقاء مشاركاتك الجميله

التوقيع