طلال ناشي
يامشرف القسم العزيز أن كان غرتك الأمور = المنتدى له حق والأصحاب تبغا حقها
الشاعر اللي كمل اسبوعين ماسجل حضور = أوداعة الله معك فر أذنه يالين أطقها
معجب العتيبي
العمر يمضي والليالي ياولد ناشي تدور=وحقوق خلق الله حفضنا جلها مع دقها
اولهم اللي غاب يارجال من عدة شهور=وانا احسبه غادر بلاده والبطاقه شقها
طلال ناشي
الله يخلي للعلوم أرجالها والعلم نور = الشَركة اللي تمن البترول نعرف رقها
لاتخلفك هقوتك بين الناس والكل مخبور = واللي عيونه كلها كل الدروب إيحقها
معجب العتيبي
ان كان ماعندك خبر دور مع اهل الشور شور=وافكارك اللي مكتسيها اللون الاسود بقها
تكفى يابو ناشي ترا منت بعلى الضيق محشور=شد الحزام ومع فجوج الارض رجلك وقها
طلال ناشي
بيع الذهب يابوحقب ماهو مثل بيع التمور = وللي يغني مع عبيد أرهاط يدمن دقها
الظاهر أنك مادريت أنك فقط نقطة عبور = الناس عاشت بالهقاوي وانت نفسك هقها
معجب العتيبي
علومك اللي جبتها وشلون شالتها السطور=وانت ابخص بماجبت لكن عن بعضها نقها
ترا الحكم معروف دوره من قديمات العصور=لكن نفسك ياوسيع العرف عندي رقها
طلال ناشي
الله ولي العرش يعلم كل ماتخف الصدور = وأنته علاك ترد حاشيها وتطلع حقها
أنا أحسبنك لو يفور القدر دمك مايفور = أثرك تطبخها يامعجب قبل يفرى شقها
معجب العتيبي
الاوله كلمه وحق ولا دخل فالحق زور=والثانيه كررتها يوم انتهى حرف اقها
وانا احسب انك عاقل ومايدخل بقلبك غرور=والظاهر ان النفس مما صار قمت تعقها
« آخـــر الـــمـــشـــاركــــات »
24-Nov-2010, 05:47 PM
العرض الشجري