فهد الشهيب الثبيتي =
ياسلام الله سلام ٍ على النهج الصحيح=حسب دين الله ونهج الرسول المرسلي
الدميّ تفور وصدور خلـق الله تفيـح=والسبب ناس ٍ تفرق جهينة عن بلـي.
سعود العصيمي =
مرحبا وقلط على الكيف وانته هاب ريح=نهجنا مايختلـف والله الوالـي ولـي.
كل ليلة نضمد الجرح ونـداو الجريـح=مار اشوف الشافعي مايدان الحنبلـي!! .
فهد الشهيب الثبيتي =
وانت شاعر تعرف العلم ولسانك فصيح=هاك كل السالفة والخبـر فيمـا يلـي
ليه يوم القوم ترفع كثيريـن المديـح؟=واطيب القوم الهلالي وابو طالب علي!! .
سعود العصيمي =
والله إنّا في لزومآ لزمنـا مانزيـح=والزمان اتلاه ماهوب مثل الاولي!!
العوارف تعرف اللي علمهم مايطيح=ماخبرنا الحق يرضي ثنين بمنزلي؟؟.
فهد الشهيب الثبيتي =
بالسدود الخافيـة لاتبيـح ولانبيـح=البحر من كل حاجة يغيض ويمتلي
الحكومة راهية والبلا الكف الشحيح=مرجع الناس الحديث وكتاب ٍ منزلي.
سعود العصيمي =
ماعلينا يافهد من صياح اللي يصيح=نسبح الغبات والحـظ دام معتلـي.
خزنة السلطان مفتاحها عند المسيح=والمسيح الله يعافيك خاله عبدلي!!! .
فهد الشهيب الثبيتي =
للجماعة والرفاقة ترا قلبـي نصيـح=مانبا شيخ الجماعـه يلقيهـا الخلـي
كان هذا العلم موثوق ليتك تستريـح=لو دريت انه من الترك ماسقت اجملي.
سعود العصيمي =
ياجماعتنا مانبغى الزنـود الهـا قديـح=غير في جبهة خلف وهذلي ٍ وسهلي!!
لاتضلـي يافهـد تستعـد وتستـريـح=و اعتبر نفسك مع اول فريق ٍ من هلي؟.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
العرض المتطور
