قصيده للشاعر الكبير زيد عويض الهجاري الثعلي

[زيد جميل الثعلي]

السلام عليكم ورحمة الله وبركاته

اقدم اليكم قصيده للشاعر زيد الهجاري وان شاء الله انها تحوز على رضاكم

انا هاضني مبداي في عالي المجدار = بديته وسج القلب واقرع كما الشنه
بعد مالفى المندوب من يمهم باخبار = تهيضت واهتاضت عيوني بماهنه
ذكرت الحبيب اللي تنحى وكب الدار= نحني اخطاي وعني اخطاه ينحنه
نحى عقب ماضلا منول قريب وجار= تقافنبه الايام عني وشالنه
وانا مقدر ارتده ولاينقبلي شار=قليل الجدا وامسن الاعيان يبكنه
جهش دمعهنه مثل ماتجهش الامطار= ولا ياعنى القلب العنا من عناهنه
عناهن من اللي يجذب القلب بالشنكار= كما جذب غرب فوق حيلن يجرنه
لطيف الحشى اللي كن ذرعانها الجمار= جمامير غرسن ساقي الماء عليهنه
عشيرن طواني بالهوى مثل طي ابدار= اليامالزمهن البصير وطواهنه
طواني هواه ورحت عقبه سوات الطار= ذبحني بدون سلاح ذبحن بلا سنه
ذبحني بوده ذبح ميت بلا نصار = واثر من يهاو البيض لازم يصيبنه
وانا من زمان العام مقفن على ماصار= تركت العذارا واجزل القلب عنهنه
يكود الهنوف اللي تذلهب وفيها افكار = تسوج العيون وذايب الكحل فيهنه
ليا لدفيه بالنضر واطلق الاحجار= تقول الذويبح ذايبً في حجرهنه
سبايب عيوني من عيون الغضي ياذعار= ذبحني بنجلٍ كن شبت نضرهنه
نضر حولقين ينهض الريش فالميكار = يهوم الخضيرا والمسابيق لزمنه
عزومن على صيد الخلا ساطي جزار= على مرقبٍ عكف المخاليب يرقنه
تذلهب كما عود القنا والنهود صغار= سوات الزباد وغطسن في حشاهنه
سوات الزباد وغطسن في بياض الزار = كما البيض من تحت المخابي زرعهنه

[احمد منير الواصل]

الله لايهينك يبن عاضي
وصح الله لسان الشاعر زيد وهو ني عن التعريف
وقصده جميله
يعطيك العافيه

[زيد جميل الثعلي]

احمد منير لاهنت ومشكور على المرور

[سعد الذابح]

سوات الزباد وغطسن في بياض الـزاركما البيض من تحت المخابي زرعهنـه






الله الله الله


شاعر غني عن التعريف


ومشكور يبن عاضي على هالقصيده الرائعه


ولو تجيب اللي فالارشيف كله يكون احسن


ودي,,, وتحيتي

[زيد جميل الثعلي]

سعد يعطيك العافيه على المرور الرائع