بعد انقطاع 8 سنوات الزلامي وسوار الذهب يتواجهان

[ابراهيم الجـــــذع]

مساكم الله بالخير جميعاً

اسمح لي يأ أبو فايح أنت وخلف

أنا أخالفكم الراي

كل ما في الموضوع

أن عبدالله الميزاني بدأ يبين لرشيد الزلامي

أنه شاعر متمكن مثل رشيد وهذا من حقه

وهو والله ما ينظلم معانيه حلوه وقويه وينفرد بأسلوبه

ورشيد استغرب جرائته وبين له أن المفروض تعرف قدري

وتحاول تستفيد من خبرتي مو تقارن نفسك فيني

وهذا من حق رشيد الزلامي كشاعر خبره

وهذا على فكره أسلوب جميع الشعراء

وأي واحد يروح الآن يطلب شاعر مشهور

ويلعب بأ سلوب عبدالله الميزاني

راح يواجه بنفس تصرف رشيد الزلامي

والدليل على هذا الكلام بيت رشيد

قبل هذا الليل عاندني رياجيلٍ كلوها

أنا ما اقول أن الميزاني ما بدع أو ابياته ما هي قويه

ولا اقول أن الزلامي عاجز عن الرد أو مرتبك أو سهران

أنا اتكلم عن اسلوب اعرفه تمام المعرفه

تقبلوا مروري

التوقيع

الذم ما يهفي للأجواد ميزان=والمدح ما طول قصار الأيادي

[ابوتيجان]

المشاركة الأصلية كتبت بواسطة ابراهيم الجـــــذع

وهو والله ما ينظلم معانيه حلوه وقويه وينفرد بأسلوبه

ورشيد استغرب جرائته وبين له أن المفروض تعرف قدري

وتحاول تستفيد من خبرتي مو تقارن نفسك فيني

انا قريت المحاورة من اولها لاخرها والله مالقيت معاني حلوة ولاقوية حسب معرفتي لاني اشوف عبدالله مثل اللي يرمي الشارة بحزامه كله يمكن يصيبها برصاصة من حزامه ويمكن يغلق الحزام ماصاب شي

ومن باب الفايدة ياليت توضح لنا المعاني الحلوة والقوية في المحاورة وكذلك بيوت الزلامي اللي استغرب فيها جرائة عبدالله وقال ياليت تعرف قدري واستفد من خبرتي موتقارن نفسك فيني وهذا من باب الفائدة لي وللمتابعين


وانا ما انكر ان عبدالله الميزاني مبدع لدرجة كبيرة في صياغة وتركيب الابيات وبيوته جامدة في المخاصمة المكشوفة لكن غيره لي وجهة نظر تختلف عن وجهة نظر من يحلل بيوت عبدالله ويعزيها على معنى واحد من بدايتها حتى نهايتها