فحيح الحيـــايـــــــــا

[مشعل بن حويد]

صارت سالفه بيني وبين واحن من خوياي وهو شمري (وعذروني عن ايراد السالفه) وبغيت اعاتبه

وكان عتبي عليه بها الطريقه

اتمنى ان تحوز على رضاكم

لفاني هاجـوسٍ عظيـمٍ جلالـه=ثعل و اشتعل في صميم الحنايا
هجاني بهرجه..وبيـن عذالـه=وصحّى بفعله..خمول الشكايـا
غيّم في ليله..وعتّم فـي شالـه=وضيّق في عيني..وساع الزوايا
وصدرٍ جمع كـل هـمٍ وشالـه=من اقصاه..لدناه..جرح وكوايـا
عسيرٍ خروجه..و صعبٍ دهاله=يشابه نفسه (إل) فحيح الحيايـا
وشيٍ نصاني..في صبحي غفاله=ذبح واستبح..فالعـروق البرايـا
وتراني عسيرٍ...صعيبٍ...منالـه=على العادي اشهر..سيوف المنايا
ولكن..خصيمي..رفيق..الجماله=ثبات المواقف..كميـل السجايـا
ويومـه رماني..رمانـي قبالـه=شجـاعٍ وكاره..لرمـي القفايـا
ولو هو طلبني في موتي..حلاله=هلا بـه وكلي..كفـونٍ طوايـا
ابقصر كلامي..ماحب الإطالـه=عساها سلام.... وعساها رضايا
بتبقى الشكاله..لرجـل الشكالـه=وتبقى المعالي..لنسـل الطنايا

مشعل العتيبي