أوراق شــاعــــر

[هلال العتيبي]

الورقة 44

ياصاحبي مع طاري البن والهيل=طاريك يطـري ياكريـم السبالــي
والمعذره لو ماوفــن المراسيـل=مير انت تبخص صاحبك وانت غالي
قدرك رفيع وعندي اعلى من سهيل=نعم الخويّ ومنزلك فالعلالي
ان طرّوا اسمك كنّهم طرّوا النيل=بالطيب تجري ياحميد الخصالي
بينك وبين الثاني من البشر ميل=مركزك الاوّل والتوالي توالي
مثل القمر ينشاف لن عسعس الليل=وارقّ وانقى من نسيم العوالي
يوم انّ كلٍّ يفتخر بالمحاصيل=عند الجميع يقول هذا حلالي
انا افتخربك مع زحول الرياجيل=شوفوا خويي مكسبي راس مالي