مـغـتـرهــ

[سلطان بن ثعلي]

المشاركة الأصلية كتبت بواسطة محمد بن رشيد

للتواصل والعذر منكمـــ

ياهاجسي كيف توعدني ولاتوفي = كثر المواعيد منها الكبد محترّه !!
ياكثر صبري عليك ومنك ياخوفي = ابا المسره لحالي وانته اتضره !
عنيت قلبي وعيني ضيّعت شوفي = لك وقت غايب ولااحد ٍ قص لك جره !
لو بالدراهم تجي .. سلّمت مصروفي = لكن ماكل مرّه تسلم الجره !
قلبك قسى .. واحترق من قسوته جوفي = ماكنه الا حصاة ٍ من حصى الحره !
وانكرت وقفاتي ولاشفت معروفي = واخلفت ضني وقلبي منك واشرّه !
وانا اللي امن العطا ماملّت اكفوفي = لله دري وحالي للعنا دره !
في جيّتك فخر لابياتي ولحروفي =وفي غيبتك كل حلوه طعمها مره !
غنيت بك واطربت من شعري صفوفي =وكونت مع مهتوين الشعر مغتره!!
ومن يوم ضاعت رماحي معك وسيوفي =عرضتني شرهة اللي قام يتشرّه !
يابو محمد من اجلك طوّل اوقوفي = لو هي سهالات لاكرّه ولافرّه !!
كم قافيه قلت لاجل اتمرني طوفي = ادوّر اللول والمرجان والدرّه !!
تقبل اللي حصل والعذر مايوفي = (( حتى المعاذير منها الكبد محتره )) !!
واللي يمر ابضروف ٍ تشبه اضروفي = يايكتب الشعر .. والاّ يعتزل مررره !

الله الله

صح لسانك مليون ولايسدون يا ابو مالك


قصيدة كلها درر وتعبر عن نفسها وابداع في ابداع

ماشاء الله عليك يا بو مالك جزل ولايجي منك غير الجزل

نتتظر جديك بكل شوق

ولك كل التقدير والاحترام