بدون تحديد

[أبومسلي]

مساء الخي ياوجيه الخير 000وهذه أول مصافحه لي في هذا الملتقى الملكي


من هجوس الشاعر اللي كل ماغنى تغنا // كل كلمــه قالها حسب افتهامه واعتقـــاده

يظلم الانسان والظالم عسى ماهوب منـا // والذكي يعرف وكلن يرتقي حسب اجتهاده

[الناضم]

أرحب يالله حية

أستلم لاهنت

[الناضم]

مرحبا بالشاعر الي من هجوسة جاب فنا * والحقيقة كان يبغا الطيب يبشر بالسعاده
الله إنه لايعز الكفر والبابا يحنا * أشغلونا وأبلشونا فالعداوة والقراده

[الأسد44]

صح لسانك أبو مسلي

صح لسانك الناضم

طاروق جيد متابعين لكم

[أبومسلي]

طيب طيب



فالخفى فيك انت والله مانشك ولانظنـا // والـدلايل واضـحه والشيـخ يحكم بالاباده

الــذلول مبركه قبـل امـس والليـلـه تحنـا // فالحدود اللي حِماها تعجز الرجل ومراده

[الناضم]

جابك الله والحموله فالموازن يرجحنا * والقياده ياوسيع العرف لصحاب القيادة
والله إن الكفر شن الحرب فالعربان شنا * مير أبشرك الجمل يخبط على ظهر الجراده

[أبومسلي]

للنهايـه يارفيــقي والله انـا ماوصلنـا // ومايصح الا الصحيح ومن كذب يلهم رماده

الحقايـق تثبـت وحنـا ترانـا ماسألنـا // كيف ننشد والعرب تسلك لها منهج وعـاده

[أبومسلي]

الناظم

الله يبقيك يالغالي

الآسد 44

صح بدنك ومتابعتك شرف لنا

آخر تعديل أبومسلي يوم 01-May-2010 في 07:44 PM.

[الناضم]

أنت صادق , مير محسومه لاتقعد تمتحنا * أجتهد يمكن تفوز بها ويعطونك شهادة
ليش تسأل دام تعرف فالجواب الي تكنا * أنت ياراس الشجاعه لاتجي درب البلاده

[أبومسلي]

كلنا ندري ونعرف منهو الشخص المكنـا // وبذره اللي يزرعه ماهو مجمل في حصاده

في الظـــهور ليا زعلنا والله انـا ماطعنـا // ولو يضيع الحق ياتي يوم ويحضّر ســـداده