حمود الحمود
كان معجب هنيا سلمولي عليه = سلمولي على معجب وكل الحضور
كان يبغا السلامه لي يرفع يديه=وان رفعلي يديه ادخل عليه السرور
معجب العتيبي
علم حمود بالترحيب ياللي تجيه=قل هلا مرحبا من مغلقات الصدور
كفي اللي طلبته من شقاك وتبيه=برفعه رفعةٍ منها تلف وتدور
حمود الحمود
البقاء لو يبطي ردكم نحتريه =ويش مشغلك علمني واقول امعذور
كيف صليت ياراع الصلاة النبيه = روح غسل بعد ماكلت لحم الجزور
معجب العتيبي
المشاغل كثيره بين هاذي وذيه=وانت وقت الضحى فاضت عليك الشعور
ماتجيك العباره حسب ماتشتهيه=وان حشرتك تظاهر للملا بالظهور
حمود الحمود
الربيع ان ذكر في دار كلن يبيه= ان ركبنا لها والاندز السبور
كان ماشفت فالديره خضارن نبيه =قلت يالله ترزقها المطر والحبور
معجب العتيبي
الكرامه لمن دور لها تحتريه=والسبور الهم وحوش الفلا والقبور
تتعب الرجل في لف الديار وتتيه=لاتضّيع حياتك من دبور لدبور
« آخـــر الـــمـــشـــاركــــات »
16-Mar-2010, 08:04 PM
العرض الشجري