عبدالله الدلبحي
سلام والتسليم وافي مبتداه ومنتهاه= والطيبه في حلها والثانيه في حلها
لا قلت أبي فواز قالو كل واحد في سراه= أمسك سرا واللي يبي الحاجه يبي يوصلها
فواز الدريويش
يامرحبا من طيب ذات وطيب وجه وطيب جاه= حصلت ترحيبة وحضر لـي علومـك كلهـا
أجيب مجهودي وعبـدالله يجيـب اللـي وراه= نعرف عتيبة حـزة الوقفـة ونعـرف دلهـا
عبدالله الدلبحي
الكل يافواز يتبع مشتهاه ومبتغاه= افطن لها وإلا عساك تروح ماتفطن لها
السيف جردناه يافواز من داخل خباه= وأحذر تعقد حاجبك يابن الأكارم فلها
فواز الدريويش
أمسى حلال القوم ماميز هديره مـن رغـاه= كل الأمور اللـي علـى بالـه يبـا يحتلهـا
ريح ضميرك واترك اللي مانت واصل مستواه= وأطول عمارة بالفحيحيل انسدح فـي ظلهـا
عبدالله الدلبحي
شعيل ماشي في طريقه من تعرضله وطاه= شال الحموله يوم غيره عاجز(ن) ماشلها
فواز شاش مع الحضور ويحسب(ن) محد(ن) قواه= مايدري أنه ماتفهم دقها من جلها
فواز الدريويش
لاحد يعرض شعيل لين آرد وجهه فـي قفـاه= بعض الوجيه إكرامها في هالسـواه احسلهـا
ياعارف المعروف عين الذيب ماهي عين شاه= وأن صارت الدعوى مثل ماهي ماني فاضلها
عبدالله الدلبحي
اللي يجيب المخطيه واجب علي العن ثواه= حتى يثمن كلمته والزله اللي زلها
الدلبحي دور على خصمه لكنه مالقاه= وبعض الأوادم ضاع ودروب السنع مادلها
فواز الدريويش
لو كل رجالن ليا من قال اله قولن حماه=لقيت حتى بارد الحيل السيوف يسلها
على الرسول اللي بعث بالحق يازين الصلاه=ان كان تعرف هالصلاه اللي ذكرنا صلها
الشاعر المبدع عبدالله الدلبحي العتيبي
الشاعر فــواز سلمان العازمي
« آخـــر الـــمـــشـــاركــــات »
19-Feb-2010, 01:51 PM
طــارووق جميــل بين الشاعرين عبدالله الدلبحي العتيبي وفواز سلمان العازمي
العرض الشجري