شاعر وادي عبقر
امن اول العتبان محماس ونجر = وليارتفعت اشوي نياف وجدي
واليوم ماشالله غدو مثل الحضر=رايد وبسام وقتيبه وامهدي
معجب العتيبي
منول العتبان عله فالنحر=لازان فالميدان للخيل العدي
واليوم لازالوا يزيدونك قهر=واقبلت بقناعك تغني و تحدي
شاعر وادي عبقر
الطيب منهاج البدو ماهو حكر = لاتحسبنه صك عندك يابعدي
هاذي سواة الذيب ماياخذ شهر=اتشوف مخلابه من الصيده ندي
معجب العتيبي
كنت احسب انك من بعيدين النظر=خلك على ضني ولاترجع ردي
الذيب مايصبر شهر والا عشر=راجع حساباتك قبل تصبح فدي
شاعر وادي عبقر
اليا سمحت اسكت ولا عليك امر=الظاهر انك ماتبرق واجودي
مادام سالم ماتمثنيت القبر=اللي نقص منكم يكمله اولدي
معجب العتيبي
ماتختفي عله ومنزلها صدر=والموتر الموتر ولو جدد بدي
اكبر مصيبه وانت منزالك حدر=وشلون طاولت الثريا والجدي
شاعر وادي عبقر
ياقوم ياعصر النحاسه والقشر = الموتر المذكور ماجاني هدي
الجدي مهما طال في حكم القمر=اليا سطع 00 نجمك علي طول ايغدي
معجب العتيبي
لاجا من التشليح قافيه الخطر=ماينومن مرشوش والا منجدي
اتقولها من خوف والا من سطر=مابيّن المقصد وتوّك مبتديِ
شاعر وادي عبقر
ياجعلها دفعت بلا عني واجر=اهم شي اديك تقنع من يدي
اجمل بنات الارض يحكمها مهر=واللي عرف جودي مايفرح فاسهدي
13-Feb-2010, 06:53 PM
العرض الشجري