معتق العياضي وملفي المورقي

[الـحـنـشـ]

السلام عليكم ورحمة الله وبركاته

طاروق رائع بين الشاعرين معتق العياضي وملفي المورقي

معتق

سلام ياعتيبه الهيـلا مقـر الرجـال = تسليمـة فالهـا يكفـي عـن عقالهـا
المورقي في رصيده مكسب وراس مال = بعض المكاسيـب فـال الله ولا فالهـا

ملفي

يامرحبا في محل معطريـن السـلال = قبيلـة بالفعايـل فــرق ولحالـهـا
وراك صديت وش نايشك يابن الحلال = يوم اصهلت مهـرة الهيـلا لخيالهـا

معتق

ياشين مدحك لنفسك ياعريب الخـوال = نعم بعتيبـه ولانـي هاضـم افعالهـا
اذكر فعايلك قبل ايـام مـدري ليـال = ملفي نبا نحاسبـه فـي كلمـة قالهـا

ملفي

اللي هرج عندنا بغيابنـا ويـش قـال = الناس ماتنتحاسـب غيـر باعمالهـا
يامعتق الله يعينـك وهقـوك العيـال = اترك قصار الهروج العوج وطوالهـا

معتق

اللي هرج عندكم خلفه كـرام السبـال = والا المهابـيـل مرجعـهـا لعـقـالها
انته تعرف الحرام ولاتعرف الحـلال = من عقبها حالتـك بالوقـت يرثالهـا

ملفي

انته تحسبنها تمشي علـى كـل حـال = لكن عليك الاذاعـه شـوش ارسالهـا
تحمد الله مع الشعـار جالـك مجـال = والا انت لن جاء كلام الصدق تبرالها

معتق

الكامـل الله ولله الـوفـاء والكـمـال = والبنـت لنتـه لا عملهـا ولاخالهـا
هل تعلم اني مع الشعار مضرب مثال = وانته عتيبه عليـك تحـرض عيالهـا

ملفي

ماتدري ان على العذراء طويت الحبال = يامعتق اخـو البنيـه جـاك رجالهـا
اقول من هيبتي ترجف رواس الجبال = اذهن تزلزل بـك البيـداء بزلزالهـا

معتق

البنت من دونها اللي صال معها وجال = وانته ماحصلت منها غيـر خلخالهـا
ياعتيبه اليوم ملفـي ماعليـه اتكـال = يصاحـب الغانيـه ويجـر موالـهـا

ملفي

يوم المعارك تدور ويدرجـن الـدلال = دلتك في المعركه مشـروب فنجالهـا
ادري عن الغانيه فيها الدلاء والـدلال = ياليتها ريحت فـي البيـت واشوالهـا

معتق

ماني مذكرك يومن المعـارك شمـال = حنـا شربنـا فناجيلـك مـع دلالهـا