من بنــــات الـــريــــح ..!

[رايد الهديبي]

السلام عليكم ورحمة الله وبركاته

قصيده لصاحب السمو الملكي الأمير : خالد الفيـــصل

وهي بعنوان ..:.. بنــات الــريــح ..:..

.. .. .. ..


للاستماع





لقراءة القصيــده

..

من بنات الريح لي صفرا جفول = كنها ظبي الفلا بجفالها
منوة الخيال عساف الخيول = زينها في دقها وجلالها
زينها ماشفت وصفه بالمثول = ألله اللي بالجمال اصخى لها
تستذير كحيلتي من كل زول = ما يصخرها سوى خيالها
اذكر الله كل ماقامت تجول = واحمد الله خصني بحبالها
كنها تمشي على قرع الطبول = فتنة اللي خافقه يبرى لها
ظافي القصه على الطرف الخجول = تنكسر شمس العصر بظلالها
وصفها وصف السحاب اللي يجول = كل عين تستخيل خيالها
أو كما طاري على الخاطر عجول = صاحبه حقيقته ماطالها
كل رجلٍ في حياته له ميول = والهوايه تمتلك رّجالها

تحياتي