قصيدة نايف قزعان الحويماني

[الحويماني]

قصيده للشاعر نايف بن قزعان الحويماني

يا بّعد ديرة صاحبي ظبي الاطعاس=لا علم ياصلهم ولا علم جانا
وزرع الحشا من لافح الشوق يباس=وعياء الزلال العذب يقطع ضمانا
وامسيت يلعبي من الهم هوجاس=لو نستريح شوي كدر صفانا
وسر الهوى محبوس من بين الأقواس=ويزود مع رود الليالي غلانا
وشربت من حبه بلا حد وقياس= وذقنا من صروف الدهر ما كفانا
وسطرت له صدق المشاعر بقرطاس= واطلب من المولى يحقق رجانا
ومالي بدار ما سكن فيه مجلاس=صعبه حدانا يبتعد عن حدانا
وغير الامل في شوفته عندي احساس=والياس من طرد الرجا ما ثنانا
حتى نشوفه والرجا يهزم الياس=ويثمر على شاطي لقانا هوانا
ونعلن فرحنا من فرحنا على الناس=وتغرد طيور الفرح في سمانا

نايف قزعان الحويماني النفيعي