حاكم الغنامي =
ياسلامي من محلي في محلـي=والجبل ثابت محله من يزيحـه
العصيمي لو يصوم ولو يصلـي=ماشعر بالضيق في نجد الفسيحه
سعود العصيمي =
مرحبا وانته محلك من محلي=بالدركتن ياولد مسهل مطيحه.
العصيمي ماغداله ربع ملـي=مايمد القوم بالكف الشحيحـه
حاكم الغنامي =
الدركتن وش يشيل وش يخلي=استرح ضمن العباد المستريحه
مافهمت القصد يالهرش المفلي=المعاني فالقليب اللـي تميحـه
سعود العصيمي =
ياوسيع العرف لاقلت الك قلـي=مانجيب من العلوم الا الصحيحه.
مجلسٍ معمـور بـدلالٍ وزلـي=والرجال اللي سوالفهم مليحـة.
حاكم الغنامي =
كيف وانته عايشٍ في حيد ظلي=تسري بضيفي وتذبحله ذبيحه
مجلسٍ لولا الدعايـه مايدلـي=وانت فالاعلان لك قومه وطيحه
سعود العصيمي =
والله انـي منـزل الا منزّللـي=مار سـرك العتيبـي لاتبيحـه
لاتقوله وانت في مجلس حولي=تاكل وتشرب من ديوس المنيحة
حاكم الغنامي =
مهبل اللي في طريقي واقفلـي=مار اخذها من ولد عمك نصيحه
لاتعرض في طريقي وانته اللي=لا بيوت ولا هجوس ولا قريحه
سعود العصيمي =
والله اليبطي عـدوي ماوصلـيّ=مار خلك فالفجوج اللي فسيحـه
انته مني فيك خوف وفيك ذلـي=مانشوفك غير في حجم الشريحه.
حاكم الغنامي =
السبب في المشكله لو صار حلي=مثل طيبٍ ياسعود بدون ريحـه
الرطب من عذقه الرخو متدلـي=اترك الطيب واخذ عنـا قبيحـه
سعود العصيمي =
قبل لايدري بك الفـارس مهلـي=ثم يقدح فيك من زنده قديحه.!!
قص دربك عن طريقك لاتزلـي=صاحبك دكتور للناس الجريحه!!
« آخـــر الـــمـــشـــاركــــات »
العرض الشجري