ابيات بمناسبة عودة ولي العهد للبلاد؟؟؟؟

[اسمحلي مجنون]

مرحبا في مرحبا مليون مــره=يا ولي العهد يا ذخر السعــودي
التهاني والفرح للشعــــب دره=درة ٍ في بلادنا ترقا سنــــــودي
المواطن جر دمع العين جــره=من عيونه ينهمل فوق الخدودي
بالفرح ذره على الكفيــــن ذره=والشوارع نثْرة فيها الـــورودي
من قدومك لنزولك زاد بـــــره=بالولا والحب ما يبغا شهـــودي
أنجلا ما كان في صدره يصره=الحزن قفا وجعله ما يعـــــودي
غيبتك هم وحضورك له مسـره=قالها من قالها يعمي الحســـودي
السعودي قالها ويعيد كـــــــــره=ما تناسى غيبتك همه يــــــزودي
أمس حنا بين برد وبين حـــــره=والامل بالله محيي كل عـــــودي
نطلبه وانقول يا الله لا تضــــره=شيخنا سلطان حماي الحــــدودي
تسعده واليوم راجع في مقـــــره=في الوزاره واليمامه له وجـودي
من بغاه بشيء ينصاه ويمــــره=حكمته مع هيبته تشف الكبـــودي
والفخر منشور للي ما نغـــــره=راعي الوقفات حر ٍ من فهـــودي
هو عريب الجد خيره دون شره=أبو فهد للوفاء راهي زنــــــودي
سيدي سلمان زرالطيــــب زره=في يمينه ماسكه مسكة عمـودي
والدهر لو شان ما يقدر يفــــــره=متكل بالله وأخوانه عضـــــودي

الشاعر/مشعل بن صنت العصيمي