الشاعر سلطان العرط فالشيابين

[سلطان نايف العضياني]

هذه القصيده لشاعر الكبير/سلطان بن فيحان العرط المرشدي

قالها في أحد محافل الشيابين وبحضور الشيخ/فيحان بن هذال بن فهيد..

بسم الفهيدي مرحبا يالميامين=ترحيبتن داورد تظفي علاها
حشمتك يامشعل طليق الحجاجين=أقدم الترحيب في مبتداها
باللي بعيد الدار واللي قريبين=بعتيبه الهيلا وباللي نصاها
في حلت اللي بالمواجيب وافين=نعم الجلاويه ونعم بسخاها
زحول الرجال اللي على الطيب ضارين=من لابتن بالناس يعرف وفاها
أولاد مشيب محتمين المخلين=قبيلتن بالطيب محدن غواها
ماغيرتهم حزة العسر واللين=بين القبايل عالين مستواها
في راية إبن فهيد شيخ الشيابين=شيخن تعلا بالعلا واعتلاها
فيحان بن هذال ريف المقلين=ذخر الشيوخ اللي بعيدن مداها
أمارته من ساس ماهيب هالحين=قبل الختوم التاليه وأوراها
من عصر أخو هملا صعوط المجانين=أمارتن بالعز سيس بناها
فهيدات بالشدات شيوخن سلاطين=أفعالهم تشهد عليها عداها
مال الفهيدي بالقبايل محالين=ليا شبت الهيجا ودارت رحاها
من واقع التاريخ نقرا العناوين=مصادرن بالكتب كلن قراها
من فعل أخو هملا بكل الميادين=كم عطفتن قاد السرب واحتماها
يوم القبايل للقبايل معادين=كم وقعتن هلل وكبر علاها
فرض على بعض القبايل قوانين=واجبر خصيمه لسروح وكساها
علمن صحيح وثابتن بالدواوين=وثايقن هذال ختمه علاها
قصه ووصلة من ورا الهند والصين=واكثر شعوب الأرض سمعت نباها
سولف بها التاريخ حينن بعد حين=تمحى الليالي والدهر مامحاها
جدك تثارا دون جدي بخمسين=خمسين لحيه فالنحر ماقفاها
كله عن اللي تنتخيهم إبيتين=تنخا عتيبه كلها وزعماها
تقول يالعتبان قضاية الدين=هبوا على قومن تبوق امنعاها
أقولها واورد عليها البراهين=حقايقن من قالها ماافتراها
رمزن مع الحيين عن فعل فانين=أوصت بها الأسلاف حي(ن)وراها
هذا قلته وانا من روس قومن عزيزين=لي لابتن بالناس محدن شناها
أنا عتيبي وافتخر بالفريقين=شاعر ومدحي فالقبيله زهاها
روقي وبرقاوي على الراس والعين=قبيلتن محدن يفرق عصاها