العازمي
سلام الله برديه .على الشعار والجمهور = بعد عيد الله الاكبر.سلام الله برديه
بيوت العز مبنيه .بوسط الخايع الممطور = عليها البيرق الاخضر . بيوت العز مبنيه
معجب العتيبي
هلا حييت والنيه.. يزيد النور منها نور=عدد من طاف من كبر ..هلا حييت والنيه
بيوت العز محميه..ومصيونه عن اهل الزور=ولو عين الحسد تنظر.. بيوت العز محميه
العازمي
على دله وزوليه . سوالف طيبين الشور = نبا الاخبار بالمصدر .على دله وزوليه
جزيرتنا عربيه . تكرّم تاركين السور = واشوف المشكله تكبر . جزيرتنا عربيه
معجب العتيبي
ترا ماتدمح السيه .. ومن يخطي ماهو معذور=تقوله وانت ماتسهر.. ترا ماندمح السيه
طلع من بارد الفيه.. وجا يبكي وهو مقهور=ولو قام الردي يزمر..طلع من بارد الفيه
العازمي
على السكّان دوريه . لها فامن المواطن دور = لبعض اعمالها تشكر. على السكّان دوريه
علومك ليه مقفيه . تصنّف عمي والا عور = معك حمّى ولاتشعر . علومك ليه مقفيه
معجب العتيبي
حياة الشعب حريه.. كتاب الله لهم دستور=ولو بعض العرب ينكر..حياة الشعب حريه
دروبك ليش ملويه..عقب دليت يادكتور=تقوم وتخلف المنظر.. دروبك ليش ملويه
العازمي
ابو مشعاب ياحيه . ولا انسى راعي الباكور = ليا ضاقت لها معبر . ابو مشعاب ياحيه
من المرواح للجيه. مانبغى مطرقٍ مشقور = حرار ٍ فالفضا تشهر . من المرواح للجيه
معجب العتيبي
ذبحت المسلم بديه..او انك تنحسب مقبور=ومن يقهر يبا يقهر..ذبحت المسلم بديه
تعال وعوّد شويه..ووقف داخل الطابور=تشوف المنظر المبهر... تعال وعوّد شويه
العازمي
مافيه علوم سريه . جبالٍ تكشف المستور = وروس القوم ماتصغر .مافيه علوم سريه
علامك تلتفت فيه . بعد ماخيّم الديجور = من الاول ليا الاخر . علامك تلتفت فيه
معجب العتيبي
مابين وخي ووخيه..يجي هرجه ودقة زور=ولوهي فالزمن تندر..مابين وخي ووخيه
كلامك ميه الميه..وفعلك مثل فعل الكور=بعد مر الزمن تذكر..كلامك ميه الميه
« آخـــر الـــمـــشـــاركــــات »
05-Dec-2009, 08:04 PM
العرض الشجري