محاورة عالي العصيمي والحساني والمسعودي

[شاعر نجد]

عالي العصيمي
ياخلف مد لي علم الوفا مده = دامة الله جمعنا عند الاصحابي
كل واحد ليا منه عبر مده = لازم اصحى بعلمك وانت تصحابي

خلف الحساني
كل فارس يجيب الفعل من جده = بعد ماصار للحقان طلابي
العتيبي نرده من ورا حده = ....

وهنا تدخل المسعودي بعد ان أخطأ الحساني في شقر البيت عند كلمة ( حده ) ليكمل
عبدالله المسعودي

والتمر من جني النخل من جده = وان قصر عمر ابوك العام (طال آبي )

عالي العصيمي
واحليل الجمل لو مااختلف بده = والمعاني نقلبها تقلابي
يابن مستور بد ( ابو حسن ) بده = وانتبه دوب جا فالدرب قلابي

خلف الحساني
العتيبي دموعه من على خده = صار مذبوح من سيفي ومشعابي
مير ابرضيه واسلم على خده = وادبج العلم دبجات بمشعابي
ويتدخل المسعودي مره اخرى عندما اخطأ الحساني في تكرار القافيه بنفس المعنى
وقال

ان لقينا طيور الليل منخده = عب لي كيس لو الكيس (مش عابي )

عالي العصيمي
ود ابو زيد يظهر سدنا وده = ياهل المعرفه وطوال الاشنابي
مير ود الخبر لصويحبك وده = وش بناخذ من الاخبار وش نابي

عبدالله المسعودي
ياجمل من جفيلك طاحت العده = انت مكسور فيك الضرس والنابي
ودي احماك حتى تافي العده = فوق راس الجبل لوالجبل نابي