لاواهني اهل النفوس السعيده

[المنادي]

السلام عليكم ورحمة الله وبركاته
اخواني الاعضاء متطفله جديده ارجو ان تنال على اعجابكم

ياخـي تقبـل طعنـة الخـل ثنتيـن=وحـده قديمـه والحقتهـا جـديـده
ياكيف ينسا رفقت اسنيـن واسنيـن=حسبـي عليـه الله يجـزي عبيـده
قلت العهود الي مضت وينها ويـن=قـال الكـلام الـي تزيـده تعيـده
قلت الزعل منًك ابـي منـه تبييـن=قـال المعاتـب للرجـل مـا يفيـده
قلت الطلب امر واسوًيـه ذالحيـن=تقصر لك العنوه ولـو هـي بعيـده
قال الوعد بكـره واعلمـك بعديـن=واثر الحقيقه جات صعبـه شديـده
دينه ثقيل(ن) ماقـدر يوفـي الديـن=يوم ان بنـك الـود انهـا رصيـده
تركًزن في داخل الصـدر رمحيـن=رمح(ن) فقلبي واردفت في وريـده
وش حيلة الي ما مسك دمعت العين=لا واهني اهـل النفـوس السعيـده
وضعي كذا والحال من شين في شين=واشكي القلم واكتب بيوت القصيـده
مير البلا لا صرت مطعـون ثنتيـن=وحـده قديمـه والحقتهـا جـديـده

عبدالله العصيمي