والله يالولا إن الحيا في حده الرجل محدود ..!!

[عايض بن زوير]

للتواصل .. معكم



!



1



!!










""

يا هيه / ياللي تحسب إني من عقب زدت الصدود=أبا اتبعك هذي ترى ما هي لعلمك / ممكنه
عيبٍ على شمط اللحى لا قفت ركاب الجحود=يطرد وراها لو غدى ليله من الضيقه سنه
لكن ترى بكره ليا منه نوى قلبك يعود=اعلم ترى قلبٍ جفيته فالسعه // ما تضمنه
عامين أبني فالعمار اللي على الدرب مهدود ..!=لين استوى وانت الوحيد اللي تشرف واسكنه
واليوم هديت البني ..! لين انشقر شدق الحسود=يالله دخيلك .!!! من شمات .!! اللي تلوك الألسنه ..!
حاولت أجنبك الخطا لكن تعديت الحدود=أمد لك كف الوفا.. / وأنته تظنه مسكنه
روح ..! فمان اللي نزل غيضه على عاد وثمود= اللي سواتك سيته عندي تجازى بحسنه
وأنا لي الله والصبر قالوا هل الدين امحمود=باصبر على مر الزمان اللي روى قلبي منه
وأبا انتظر صبح الفرج وارقى على العزه سنود=" موتة عزيز ولا حياةٍ من يعزك تحزنه "
وأبا انتظر ضمة يدين اللي فرش دربي ورود=غروٍ ملك قلبي قبل لا يعرفك واستوطنه
غروِ لياا مني زعلت وضاق بي // كل الوجود=سريت له ليل الدجى كن المشاعر تزبنه
ومن زود شوقي والغلا حتى الوهم جمه يزود=واتخيله طيفٍ على "حدب المحاني" واحضنه
أشعب ركايب خافقي يمه ولا تبرك يا كود=أحفي قدمهاا .. والحشا مبطي وهو محفي منه
وأنشد عنه كل العرب .. وإليا غدى الحال امهدود=أسامر نجوم السما لا بينت // وأنشد عنه
محبته ما هي ترى علمٍ على بالي يرود=ولا هي محبة منطلق .. " تاابع رصيدي واشحنه " ..!!
محبته فوق الغلا / جملة مواثيق وعهود=مضمونهاا " من يطعنه غدر الزمن ما يطعنه "
والله يالولا إن الحيا في حده الرجل امحدود=إني لسولف للعرب عما جرى لي وأعلنه
مار أرجي الله يا عسى وقتٍ جمعني به يجود=ويجود لي باللي سبا قلب الهواوي واسجنه
وأنته فمان اللي نزل عفوه على عاد وثمود ..!=روح واخذ معٌك الغلا ميتٍ غشى الدم اكفنه
واذكر ليا منه نوى قلبك عن الصده يعود= الميسره بالميسره // والميمنه بالميمنه