ملفي المورقيxصياف الحربي

[سعود العصيمي]

محاوره ممتعه بكل المقاييس استمتعت فيها ونقلتها لكم
اتمنى ان تعجبكم

ملفي المورقي=

السحيمي غاب له فوق السنه ماشفت زوله=خابره قدام صيف العام في واد المحاني
خابره في خير والليله هذا عرضه وطوله=خص يومنه مكوع مع حبيب والسناني

صياف الحربي=

السحيمي لويغيب يجيك قبل يحول حوله =انظرو له بالعيون وفتحو كل الاذاني
انت رجل وكل مايطري على بالك تقوله=مدري اهيه جد والا مزح من راس اللساني.

ملفي المورقي=

احسبنه في الليال التاليه عقل ذلوله=مادريت انه يسير من مكان اليامكاني
يالسحيمي من يعرف الله تبع سنة رسوله=وانت مسلم مار تلدغ مثل لدغ العقرباني

صياف الحربي=

احسبنك من طلوع الحج تنزل مع نزوله=واثرك الفارس تسابقني على ظهر الحصاني
الجماعه شافو الرجال مخطي وسمحوله =مار بعض الناس لو نرضيه يزعل في ثواني

ملفي المورقي=

ياعميل الخير لازم تستلم حق العموله =لليلة نعطيك عشر ولليلة تاخذ ثماني
يالسحيمي من يعرف الدرب مايخطي وصوله=والهلال يسد عنه الجدي وسهيل اليماني

صياف الحربي=

يالوليد المورقي وش هالكلام اللي تقوله=وانت لك لليله بعد عشرين من شهر رمضاني
القلوب البيض لاترتاح وتروح معلوله=مايجي في ورث ابويه غار واحد من خواني

ملفي المورقي=

انت حربي مار تحسب حربنا هاك السهوله =حربنا ينبيك عنه شيوخ شمر وقحطاني
القلوب البيض راحت من تواليك مغسوله=وانت باقي نغسلك مره بمسك وزعفراني

صياف الحربي=

يمكن انك مشتري موتر جديد ورحت جوله=وصلوك السفره الحمرا واكلت من السماني
كان عندك كلمة ٍتنقال وحلول معقوله=صل ياملفي عشر ركعات وارقد في ضماني

ملفي المورقي=

مابغيت ادخلك مع باب ممنوع دخوله =والا انا هرج بالفصيح وللنصارا ترجماني
الغشيم ينام في الكبري تحت راسه نعوله=والشريف يعيش طول العمر في عز وفاماني

صياف الحربي=

كان منته محتملني مانت من ذيك الحموله =والله اني لاتحرك واقطع حبال السواني

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.