البيوت العجيبه

[سلطان بن سبقان الحزيمي]

سر ياقلم ســــــجل كلامي بترتيب
سجل وبمليك البيوت العجيبه
لادق هاجوس الظلوع المحاديب
بيت الشعر لوهو تعسر نجيبه
سلام عد مــــــروحات الاساحيب
وعداد مانبت الورق في شعيبه
وعد النجوم الموضيات المراقيب
عد الصحاري والسهل والجذيبه
محملن بالــــورد والكاد والطيب
ويهدى لمنهو تعرف الناس طيبه
تسمع بصــيته في ديار الاجانيب
يشيع ذكـــــــــره فالبــــلاد الغريبه
هذاك ابو عساف رجل المواجيب
ما قط قالــــــــو فيه فعل يعيـــــــــبه
يوم الردي يطلــــــع بدنياه ويغيب
يحيا سنين ومات محدن دريبه
تكفى يابن عساف ابنخاك وتجيب
اطلبك وابغى مطلبي لي تجيبه
امنول اشرب من زلال المشاريب
شربي قراح وانت تحفر قليبه
واليوم شربي من عكاك المغاريب
غصبن عليه مارضيت الغليبه
ياليتها صارت بضرب المشاعيب
وكلن يحصل ما يحوشه نصيبه
وانا عتيبي من طـــوال الاشانيب
من ألاد روق وعزوتي من عتيبه
والحر يالقع فوق عال المراقيب
دايم يوكر فوق عال الرقيبه
ويغدر وياقع فالشبك والنواشيب
وشباكه اللي شابكه يعتنيبه
ويشهر ولوحطو برجله مناسيب
يبغى الفجوج المغريات الرحيبه
والبوم يربض في بطون الاداعيب
تسمع صفيره وسط مطمن شعيبه
وقتن يخل الشاه ترعى مع الذيب
ياكثر مافي هالزمن من مصيبه
شرحت عن حالي بشتى الاساليب
وانته من اصحاب القلوب اللبيبه
افزع لقلبن كن وســـطه لواهيب
قلبه خطير انه همومه تذيبه
بعدك يبوعساف راسي غدا شيب
توي شباب وعارضي لاح شيبه
يامر على اللـــــي حياته عذاريب
ابن الهدان اللي يـــــــــروم المعيبه
واقول شفلي حل يافاعل الطيب
وانخاك لاجات الامور الصعيبه
ابغى ليى جيتك ولينـــــقل فالجيب
وقسمن تنصب قايده حطـــــــــنيبه
والابسلم عهــــــــدتي للمعازيب
واللي يجيبه وألي امري يجيبه
والرب يرزق من عدم عالم الغيب
وما قدره رب البنادم يصـــــــيبه
واللي مضالـــــي في حياتي تجاريب
ميزت بين التايهــــــــــــه والمصيبه
وصلاة ربـــــــي عد سيل الاداعيب
على رســــــــــــــول كلنا نهتديــــبه
اهداء للشيخ /ماجد بن عساف الحبردي العتيبي