بسم الله الرحمن الرحيم
احدى محاوراتي من ليلة البارحه
محمد النخيش
بعد حط له تركي على العلم توكيل=عطينا وكيله كل حاجه فضيله
ولكن صار ايحط فالوضع ويشيل=ولاشاف ابو زيد الهلالي وخيله
تركي 2000
عسى الله يبارك في زحول الرياجيل=هل المعرفه واهل العلوم الجزيله
ترانا عرب مانقبل القال والقيل=ولنا ليا جات الوسايل وسيله
محمد النخيش
علامك تفند بين جمع الحلاحيل=ترى هاذي العاده علاكم فشيله
بعد ذقت لك فنجال بين الفناجيل=تطعم ترى مظبوط وزنه وكيله
تركي2000
انا نظرتي لاهنت فالجدي وسهيل=وباقي النجوم ايغيب في نص ليله
ترا الكيف جاهز في حلوق المعاميل=ولايجهلون البدو بنه وهيله
محمد النخيش
انا ماعزمت الا خيار المشاكيل=تعذرب على ذيب براس الطويله
نزل بعد عام الفين عشره مواديل=ولكن عام الفين قفا موديله
تركي 2000
دموع اليتاما تحتضنها المناديل=وخشم الزناد مجهزن للفتيله
ترى الوارد التالي يباله تعاديل=يبونه يصدر مير مافيه حيله
محمد النخيش :
تعامل مطير وتترك سليم وهذيل=وانا خابرك رجل تمثل قبيله
ظهر برجمه فيها جميع التهاويل=والالفين ماله برمجه وش حصيله
تركي 2000
الا يالله الخالق عليك التساهيل=يعقلونها لكن مامن عقيله
وسلامتكم
| التوقيع |
|
اطلـق سـراح الفكـر وابـعـد مجـالـه
حتى تصيد الشرد وتطـوع الشـرد
واتعب على الكلمه وشعر الجزاله
واللـي يجمـل للعـرب تسـرده سـرد
فالشعر يبقـى شعـر راع الاصالـه
اللـي بشعـره منـفـرد بالـجـزل فــرد
تويتر:
alnkhish@
|
« آخـــر الـــمـــشـــاركــــات »
23-Oct-2009, 08:27 PM
محاورتي مع الشاعر تركي 2000
العرض الشجري