من نواها بالردى والله ليبطي ماهزمها

[سعود العصيمي]

القبائل كلها والنعم ماذم القبايل = كل دار الها رجالٍ بالوفا رفرف علمها.
مار جاء طاري ودارت بين مسئولٍ وسايل = احد يرفعها واحد ينزل بها واحد قسمها.
وانشدوني وش تقول وقلت أنا ماني بقايل = غير علم الصدق واهل الصدق ماباعت ذممها.
قالوا اسلم هات علمك بالوثايق والدلايل = قلت في وقتٍ مضى شام الجزيرة من حكمها.
قبل حكم اخوان نوره يامتعبة الاصايل = علموني لاتخلقون السوالف من عدمها.
قالوا افدنا وقلت الشمري والراس طايل = الرجال اللي كبار صحونها يثبت كرمها
لابةٍ يشهد لها التاريخ وعيال الحمايل = روس قوم من يعاديها مايسلم من سهمها.
الطنايا اللي تشب النار بخشوم الفتايل = في نهار كل من يقدرشعم ناره شعمها.
شمراهل الطيب وهل الفعل مروية السلايل = القروم اللي تضد القوم والروس اتحكمها
ماعليّه من علوم اللي يضيعون القوايل = الحقايق مثبته ويثبت الحجة قلمها.
مايصح الا الصحيح ولاش فيد من الظلايل = من يسولف بالظلايل ما بنى البنيه هدمها.
قلتها وانا من رجالٍ كعام لكل عايل = روس قومٍ زاحت العدوان عن نجد بقرمها.
من عتيبه لاحتمى الميقاف ثم جات الصمايل = من نواها بالردى والله ليبطي ماهزمها.
تلطم العايل وللضيفان تذبح كل حايل = والخصيم اللي يخصم القوم يتعب ماخصمها.
ربعي اللي فعلها معروف من خيرالفعايل = سطرت بامجادها فالوقت فعلآ ماظلمها.
والقبايل كلها والنعم ماذم القبايل = كل دار الها رجالٍ بالوفا رفرف علمها.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.