:: هذه القصيدة لوالدتي.. تصف فيها بنات القبايل ::

[فيصل محمد]

هذه القصيدة لوالدتي حفظها الله وأطال الله في عمرها..

أنا يالسنــافي زاد عمـــري علــى الستيـــن = لآنــي بعـــاشــقه ولانـــي بمـعشـــوقــه
أعــد القصــــايد وأشـــرح اللــي تشـوف العيــن = أشــــوف الـزمــان اللــي بــدا قلـة أوفــوقــه
جعـــل يســقا مــامـضى يــوم ذاك الحــين = يــوم العــرب كــلن تعــرفه بمنــطوقـــه
قــبل لايجــي حــل التطــور وشًيــن شيـــن = كــلن يبــي المـــًــدان ويلــوي اشــدوقــه
وبنــات القبـــايل يصبغــن الشعــر لــونين = وذا قــــيل هـــذا ليـــه قـالـن علــى المـــوقــه
والثــوب لونـــه راهــيً حطــته شبـــريــن = تضــفه علــى السيـــقان وتطــول فتـــوقــه
تكفـــى ياعمـــر يامسنـــدي طيـــب الجـــدين = أنــا القـــلب منـــي شــاب والكبـــد محــروقـــه
أشـــوف وقتـــن ياعمـــر يــرهــب الصــاحيــن = والــلا قـــليـــل المعـــرفه داخـــلن ســـوقـــه
عــسى لايمــي يابـن بــدر يبتــليه الديــن = صيبـــه بنــات وزوجتــــه دوم مطــفــوقـــه
مـن عــاش باأيـــام الرخــا مقتفــيـه البيـــن = لــزوم يعــاصــر قــاسـي الوقـــت ويـذوقـــه
تــرى الــدايــم اللـــه والعــرب فـانيـــن = ياللــــه عســـى نفســي مــن النــار معتــوقـــه
الا وهنــي مــن قــابل اللــه بــوجهـــن زيــن = بحــسن الصـــلاة وكــلن ادالــه احقــــوقــه