الفكر محتـار والاخـلاق منزعجـه::::والصدر جاله صفير وضاقت انفاسـه

[آلاد غنـــام]

الفكر محتـار والاخـلاق منزعجـه=والصدر جاله صفير وضاقت انفاسـه
والهم يلعن ابوامه صار لـي ولجـه=وانا بشر والمشاعـر حيـل حساسـه
يابال خلك مـن التسريـح والسجـه=ووقف معي لين اعبي نصف كراسـه
سمعت صوت غريب وطرت فـالعجه=صوت جهوري يرن وتقرع أجراسـه
أموت واعرف وشلي غيـر اللهجـه=وش ضخم الراء في حلقـك يامياسـه
نفختي الحرف حتى صار لـه لجـه=وارتج مذعور من راسـه لكرياسـه
أوتار صوتك ماتتعب من كذا هرجـه=واتقان لهجتك هـل يحتـاج لدراسـه
وشلون طاعك لسانك واختلف نهجـه=وعلى السلسكوب صوتك كم مقياسـه
ياانتي عجيبه قبـل دنيـاك منفرجـه=وابرز خصائصك عصريه ياألماسـه
مستوطنه باالرياض وكنـك بطنجـه=وضيعتي القدر والمـلاس والطاسـه
قالت رويدك تراني منـك منحرجـه=وانـا بنيـه لتـاج الستـر لبـاسـه
كانك معذبك صوت يدخـل البهجـه=على قلـوب الغـرام يهـب نسناسـه
مجمـع الفيصليـه نـط فـي برجـه=وغن المواويل لا عديت فـي راسـه
الكتم سجـن الحيـاه موقـت بنجـه=والفعـل ثابـت وردة فعلـه أساسـه
لو كل محبوس يطلـق ذبلـه فرجـه=ولو قلت له قف ترى قدمك خطر داسه
العولمـه خلـت اللهجـات مندمجـه=كل ومـا يهتـوي كـل ولـه ناسـه
والخوف حبله قطـع ياماخـذه حجـه=قـل للجماهيـر ولا علـم السـاسـه

الشاعر / صامل الغنامي