توفيت امه بسبب حادث وهي مع ولدها وقال هذه الابيات من شدة صدمته

[الفليتي]

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانأ ابكي وأتنهد وارسم بالحزن لوحات
يجبرووني عشان امشي ورجلي ماتمشيني

قتلت رعايتي بيدي قتلت الحب والرحمات
حرمت النفس من حقها وانأ ابكيها وتبكيني

وكنه حلم قدامي يقيدني من الصرخات
ابي اصحي وبكني عجزت القى الي يصحيني

فداك القلب يايمع ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل مااسمعه فيني

تجول عيونهم فيني تفصل مني قياســات
وتشيح وجهوهم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيـــهم ربع مايحترق فيني

نقص قدري بعد موتك وغابت نشوه اللذات
وصار الهم عكازي اباكيه ويباكيــــــــــــني

عطيتيني بدون حساب ولاسمعتك تقولي هاااات
وانا اشرب حيل من دمـك ودمـك مايكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ماتحملهم يقولوا فات ماقد مــــات
تعالي غيري هالقول واطيعك باقي سنيني

واترك عاده التدخين وانفذ ماتبي بسكات
واصلي الفجر في المسجد قبل منتي تصحيني

يايمه ارجعي تكفيبن وطفي شمعه الآهات
ابيك انتي ولا غبرك على موتـــك تعزيني

وضميني وداويني مثل ما كت الهقوات
ما ابي احدن يواسيني ابيك انتي تواسيني

دخيلك بس لاتبكي اذا شفتي بي الدمعـات
انا مقوى اذا انتي تبـــــــــــــــــــكيـــــــني

اتمنى تعجبكم


وتقبلوا محبتي واحترامي