احبائي اداره ومشرفين واعضاء منتدى الهيلا ----------------- للتواصل معكم--------------------------
اليكم هذه الابيات اقبلوها كما اتت -----------------------------ولكم فائق احترامي-----------------
ياهاجسي بعد ما ذعذع هبوب البراد=مثايل الشعر عطني رايق لحونها
راحت ليال المقيض وحان وقت الهداد=لمقرنسات الحرار ومن يودونها
محلا ليا شالوا ا لعزبه وباقي العتاد= شلة نشاما (ن) حقوق الخوه تصونها
مافيهم الي ردي العزم ربع سداد =غير الشكاله فروض الله يصلًونها
حملة جيوب(ن) تدك الارض سهل وحشاد= يدوًُرون الحباري ويتقصونها
والطير فرع وشاف الخرب وسط العراد= وارخى عليها الظريبه واعطب متونها
من بعد ما حاولت لكن مابه نفاد=استسلمت والمنيه شافت عيونها
وكل يماري بطيره في نهار الهداد= ويقول هدات طيري ماتجي دونها
ومن عقب صوله وجوله في فياض وحماد= تشاوروا وين ليلتهم يقضًونها
وطبولهم خايع(ن) عشبه تثنى وزاد=وقاموا على عزبة الرحله يوطًونها
ثم شبو النار والفرشه عليها الشداد= ودارت سواليف والدله يسوونها
ومن صيدهم قربو للقدر ملحٍ وزاد= والنار ولع وحطب قامو يزيدونها
هذا هوا خاطري ياهاجسي والمراد= والقنص فيه الوناسه فارق ٍلونها
تمت وصلوا عدد ما طار سرب الجراد = على شفيع البشر لا ثقلت ديونها
« آخـــر الـــمـــشـــاركــــات »
26-Sep-2009, 03:29 PM
(ياهاجسي بعد ما ذعذع هبوب البراد)00000!!
العرض الشجري