معلم الشعراء/:مستور العصيمي والحقيقه

[محمد العتيبي]

السلام عليكم ورحمة الله وبركاته


اقدم لكم جديد معلّم الشعراء / مستور العصيمي ..


اتمنى أن ينال إعجابكم ..

يالله يالله يامحصي جميع الانام = ياسايق الرزق لبنادم وهو ما درى
ياللي ترى النمل الاسود تحت جنح الضلام = يا منزلٍ في كتابك صوره ألم ترى
يالله تجبر عزانا فالشيوخ العظام = مقدم عتيبه ليا صاحوا ورد البرى
آخوان جوزاء مقديِن السرب والجهام = اهل العِطف يوم للآرواح بيع وشرى
الفعل يبقى ولو يفنى اللحم والعظام = وفعولهم تتعب الكتاب واللي قرى
شيوخ قول وفعل ماهو مجرد كلام =تقلط على الموت يوم اللاش يرجع ورى
رفيقهم يفتخر ودخيلهم ما يضام = وعدوهم من وحمهم مايذوق الكرى
عمر وفارس ومانع جعلهم للرحام = حيين بالفعل والآجساد تحت الثرى
والله يرحمك يا شجعان عال المقام = عز الله إنا فقدنا فالحياه أومرى
عسى العوض فالعيال موردين الحسام = ملاذ من حده اخصامه وعود زرى
ياما تصدوا لصعبات الامور الجسام = في عيونهم يسهل الكايد ولاينطرى
ياعبيد منى عليهم كل يوم سلام = سلام امعطرٍ بــالمسك والعنبرى
في ظل حكام نجد اللي بشرع ونظام = أضفوا على شعبهم هيبه وظل وذرى

التوقيع

للتواصل عبر twitter تويتر al_bargawy@