حنا لنا في صفحة المجد تبصيم للشاعرفيصل بن خلف

[احمد عبدالله]

بسم الله الرحمن الرحيم
قصيده بحثت عنها كثيرا للشاعر المبدع فيصل بن خلف بن هذال
اهديها للاخ العزيز سلطان العصيمي

قلتي وقولك فيه يابنت توهيم ======= وبعض البيوت اثبوت فيها طرافه

حنا لنا في صفحة المجد تبصيم ======= ولنا مع الجوزاء غرام وولافه

على البداوه والشقاوه مفاطيم ======= فينا من البيئه قساوة صلافه

نرعى الحقوق ونكره الظلم والضيم ==== ونصبر على جور الزمن واختلافه

متثقفين وفي وطنا محاشيم ======= حنا جذور العز واصل الثقافه

والفقر ما عاب الرجال الشغاميم ======= اهل الشجاعه والكرم والضيافه

من وقت ابونا ادم وبعده براهيم ==== ووقت الرسول ووقت عهد الخلافه

واهل المرودن والصيوف الصواريم ==== رمز الرجوله والشرف والحصافه

عاشوا ولا معهم من المال مليم ======= والكل منهم سقف بيته لحافه

صبيان دين الله وفوا باالملازيم ======= وقادوا جيوش المسلمين بحرافه

تكبيرهم مثل الرعود المرازيم ======= والحر يقدم ما تطلع خلافه

قوم تصدى للجيوش المناضيم ======= وان حدها الموت الحمر ما تعافه

تحملوا ضيم السنين اللواهيم ====== وقت مثل حد السيوف الرهافه

ومصيافنا في نجد عند المجاهيم ====== ابرك من النيل العريق وضفافه

ولندن وكانو والديار المواثيم ====== ياللي سفركم للسياحه سخافه

متبرجين ومخلفين المفاهيم ====== وحياتكم فيه غرور وكلافه

مانعرف برستيجكم ياالمهازيم ====== يااهل االتخلف والردى والضعافه

نعرف كتاب فيه( طه) (وحم ) ====== ونخشى غضب رب العباد ونخافه

امحرمين الجخ والبذخ تحريم ====== نحيا عزاز ولا حياة الكسافه

وان كان رحنا فالشهور المقاديم ====== رحنا لبيت عظم الله مطافه

وطفنا ولبينا وجينا بتكريم ======== من عند رب فيه رحمه ورافه
وسلامتكم

آخر تعديل احمد عبدالله يوم 27-Aug-2009 في 06:35 AM.