لبندر بن محيا

[فهد حمود]

طرَّف الليـل البعِيْـد ولا انهَـزَم مَعنَـى سـواده
إلا بَعَد أطريْـت عنـوان الطَّموحَـات المَجيـدة





سقتَهَا فـي لحظـة ٍ قبّـل ورق صمتِـي مـدَاده
لحظة ٍ قلت لمَدَى الشِّعْر النَّدِي: فُرصـة سَعِيـدة!





يَاذِيَاب البَـال لاتَعـونّ! مـا فـالبَـال : غَـادَة!
شَاعـر ٍ قـد عَلّـم الجُغرَافيَـا تَـارِيـخ بِـيـده





من تَرَجَّل فيْصَل الشَّغموم عَـنْ صَهْـوَة جَـواده
وخيْلنَـا فـعيْونَهَـا الدَّمْـع وفقِيدَتـهَـا فقِـيـدة!





يالعَفِيفَـات الشَّرِيفَـات إن بَغَـى السَّائِـل إفَـادة
هي تعَقْم أرحَامْكن عَنْ مْثْل فيْصَل مـن ولِيْـدَة؟!





يَالظَّـلام اليَـا خَنَـع رَاس المـذَلَـة للـوسَـادَة
هو خَضَع فِيْصََل؟! : خَضَع للِي فَعَل شَي ٍ يْرِيْـدَه





يافلسْطِين الجَرِيحَة هو يْكـون الصَّمْـت عَـادَة؟
لاسكَنْتِي مـن بَعَـد فيْصَـل مواجعْـك الأكيـدة





ليْلتْـكْ تَنْعِيـه وأطفَالـك : يعَـانـون الإبَــادة
وصَرختْك منْ خَلف جُدرَان الأسَىَ: صَرخة شَدِيدة





لاتخَافي، والجَمْـر لَـو آخْـره عَـوّد رمَـاده
:افتحِي للذاكْرَة : فيصَـل ومـرّي فـي وريـده!





لاانْحَنَى غصن ٍ منَ الزَّيْتون وأثْمَر فِـي بْـلاده!
قولي انْ فيْصَل ولَدَ عَبْدالعَزِيْـز أعْظَـم قَصيـدة





يمْكن الإنْسَان فِيْنَـا يَخـرُج مْـن أسـوَد حـدَاده
يمْكن الوَهْـنَ القَدِيْـم تْخـون أبَـهَْْ ليْْلَـة جدِيـدة





ما أكبَر الإنسَان فِي فيْصَل ويَـا مَاأعْظَـم مُـرَاده
وما أشجعَه لا مْن قدَح حدّ الحَدِيـدَة فـَالحَدِيـدَة





يسكنْـه إنسَـان نَاصْـع ممتلِـي صَبْـر وعِبَـادة
به عَقِيْـدة صَافِيَـة .. والنَّفـس قِيمَتْهَـا العَقِيـدة





صَمْت فيْصَل للذَهَـب مَعنَـاه، والحِلْـم امتِـدَاده
إن حَكَى فيْصَل نَطق بلسَانَـه : الاريَـا السَّدِيـدة!





كَم تَواضَع وانْحَنَـى لـه شَعْب؟وأعطَـاه القيَـادة
قَاد الأمُّة للنَصر .. مَـا قَادهـا للـذل بـإيْـده!





كَم يحْس انّـه مقَصِّـر رُغـمْ تَقْدِيـم اجتهَـاده
؟الشَّعور انّه مقصِّر..مَـا انقصـه، طَبعَـاً يزِيـده





قَلب فيْصَل سيْف وضلوعَه عَلَـى قلبَـه: غمَـاده
شُوف كَم سيْف ٍ بيَاضه يَشكِي غمَـاده فـعِيـده!





سَلّ ابْن عَبدالعَزِيز النَّـور فـي الليْـل وسَـواده
وكُـلَّ يمنَـىً كَفَّهـا للمَجـد ماتَشكـيْ ضْهِيـده





يَضْـوي التَّكبِيـر فـي فَمّـه وتَهلِيْلـه زيَــاده
لا انهَزَم وَجه الطَّمُوح ..وجَا طموحَـه يستعِيـده





ياأمُّـةٍ فِيْهَـا لصـوت الحَـقْ عبـرَة واسْتفَـاده
لا تمُـوت أحلامَنَـا لاصَـارَت الهَقْـوَة بعِـيـدة





خَيْر أمُّةَ أخُرِجَـت للنّـاس .. مانَبْغـىَ شَهَـادة
مَا نسَـاوم فِـي تكَاتفنَـا هَـوَى عْقـول ٍ بَلِيْـدة





كُلّ وَقت ٍ لَهْ رجَال وكُـلَ جَـرح ٍ لَـهْ ضمَـاده
التَّفَاؤل هو عـلاج اليَـاس لـو يَنْـزف صَدِيـده





ياشعُـوب العُـرب والحُكّـام حُكّـام السِّـيَـادة
ودنَـا نلتَّـف حـول بْلادنَـا ..شَعْـب وبـدِيـده





أنْتُـم التَّارِِيـخ والشَّاعـر لـيَـا رَاوَد حـيَـاده
عَاطْفَتْه أكبْر مْنَ الظَّاهِـر ومـن حبْـرَ القصيـدة





ودنَـا نَنْفِـيْ تَشَاؤمنَـا ونَنْجَـح فـاضطـهَـاده
فِي ظَلام اليَـاس نَفْتَـح للأمَـل صَفحَـة جديـدة

















الوطن












تْمر فْـبالي أشَهَى من كـلام ضَيّعـوه اثنيـن
وأنا في بالي لحبك كـلام ٍ مَـا بَعَـد قلتَـه!





كْبَرت ولاصَغَر يَا مَوطْنِي "حبٍ" كتَبته ليـن:
ظَهَر عشق ٍ كبير أكبَر منَ اللي مَـا تَخَيلتـه





ماهِيْ بالسَّالفَة يَا مَوطن "الما" نَخلـة وسيفيـن
وأنَا يمنَاي سيفك، والنَّخَل فـي قلبـي اشتلتـه





أنَا أدري فيك من لون الرَّبيع وضَحكة النِّسرين
ولا يُنضَام من هو في ترابك جَـاك وأدخَلتـه





يقولون العَرَب : مَا خَانَتْ الأوطَان بَالوَافِيـن
وأنَا أقول : الوَطَن رَجل الوفَا والعَهد مَرجلتـه





مثل أيش الوَطَن؟مثْل الشِّفَاه اللي تقول : آمين
كبْر أيش الوطن .. هَذَا الوطن يا كُبْر مَنْزلته!












القهوه


القهوه للتحميل










عَن الرَّاس يَا مْشْعَل مَا يَطْرد عمَاس الرَّاس
سوى شُرب خَولانِيـة ٍ بّهْـرَت بـالهيـل





حَمَسهَا الفطِيْن اللي عْيونَه عَلَى المحمـاس
وعَبَق ريْحَهَا ايْرِّد المَنَاكيْـف تَـال الليـل





وطَرَّف ثلاث "و كَال" هيْله عَلىَ المقيَـاس
ومَاهَا قَرَاح ومْحْتسِيْه أعْـذَب مْـنَ النِّيـل





عَلَى جَال نَـاره والنّشَامَـا معَـه جـلاّس
يْثَنِّي فَنَاجِيْـل الكَرَامَـة مَاهـوب "بخِيـل"





هَذَا والله الليْ يْطْرِب البَـال والإحسـاس!
وأنَا معْتبرها أعظَم حَضَـارة بَـلا تَبدِيـل





أنَا أقول : هي رَمْز الأصَالة وجود النَّـاس
تْسَاق وتَرَاحِيْب المرّحـب عـدَاد السِّيـل