رثاء الفقيد : حمدان بن محمد الرقيب

[ناصر حامد الثبيتي]

بسم الله الرحمن الرحيم

تعجز الكلمات عن التعبير

ويبقى للشعر دوره في البوح والتنفيس عن ما تضمره النفوس ::

لاتلوم شعري لو لبس ثوب الاحزان = وجات القوافي كلبوها جزيلة
لان الرثا والشعر يازياد خسران = لو ما ذكر حمدان في كل ليله
لاتحسب ان اللي رحل بس حمدان = اللي رحل يازياد عز القبيله
حنا فقدنا ركن لا والله اركان = لاغاب غاب ولاتدور بديله
حمدان وان ركبوا على الخيل فرسان = مايمتطي غير السبوق والاصيلة
حمدان وان ذكروا من الربع شجعان = ما للصميله غير راع الصميله
وقت الشدايد ضلع ماكنه انسان = ماكل هزه تخلفه او تحيله
له راي يرجح كان للراي ميزان = انا اشهد انه مايجيب الهزيله
له كلمة تفصل كما السيف شامان = بين العلوم الهينه والثقيله
اذا تكلم زبدة الهرج نيشان = تاصل هدفها بالرجوم الطويلة
يبي الجماعه كلهم مثل الاخوان = ماقال هذي رغبة ٍ مستحيله
قلبه على ربعه ولو كان ماكان = يبي تضللهم بيوتٍ ضليله
جعلك يابو ماجد بجنات رضوان = وعسى على قبرك تهل المخيله
تكفون ياعياله تسمون حمدان = عله يجي من ياخذ اسمه مثيله

:

للشاعر : فيصل الرقيب


:

والله يرحم الفقيد ويسكنه فسيح الجنات