خيال الصفراء =
مرحبا ترحيبة ٍ من طيبها فيها علامه=ما توزع غير لصحاب المراتب والمعالي
البعير اللي لقينا فيه ضربه في سنامه=ما عرف منها يجيه الموت ولا ما يبالي
عبدالله الاصعر =
مرحبا في مرحبا ترحيبة فيهـا كرامـه=والكرامه ماتقدّم غير لكـرام السبالـي
انت يالخيّال ماشاركت في حرب الرغامه=لاتعذرب فالجمال اللي تنـوخ للثقالـي
خيال الصفراء =
البقاء ياللي ترحب جعل راسك لسلامه=دام راسك يا وسيع العرف من تحت الضلالي
هيه يالاصعر ترانا فوقكم مثل الغمامه=تستضل بضلنا والعمر قافيه الزوالي
عبدالله الاصعر =
صاحبك شاعر على وضح النقى يكرب حزامه=ما يلدّ بعينـه الاّ يـم ابـو زيـد الهلالـي
بارك الله فالزعيم اللي حكم قصـر اليمامـه=في ذراه اصبحت شيخ وقبل ماتلقى مجالـي
خيال الصفراء =
انت شاعر بس بعض احيان نلحقك الملامه=تدخلك خيفه وذله لا كشح برق الخيالي
الزعيم اللي تقوله حطْ خلف الضلع خامه=والجبل حنا خصوم القوم في وقت القتالي
عبدالله الاصعر =
الملامه لا تلحّقها رجـل عالـي مقامـه=شوف عيبك يالعطاوي قبل تنقدك الرجالي
لاتقوله والزعامه مالها الاّ اهل الزعامـه=والحقيقه مانت ضلع انته تدرّق بالجبالي
خيال الصفراء =
عيبنا قلي وشنهو ..؟ دام في خشمك عرامه=يبن عاضي لا تخش السوق مالك راس مالي
ما يدس الراس وسط الرمل يا كود النعامه=ما تدرقنا بضلع وراسنا للروس طالي
عبدالله الاصعر =
يارجل مانت بولد رخمه والاصعر من كلامه=قصده انّك ما تليق ابك العمامه والعقالـي
الصقور الجارحه ما تنتقـارن بالحمامـه=مير جنّب لا تنافسنا على روس الطوالـي
خيال الصفراء =
البعير اللي يالاصعر لاش خرج ولا مسامه=ودك انه ما يسرّح مع طويلين الحبالي
من صدوف الوقت يالاصعر على غاربك شامه=ليش ما تقول الحقايق ..! قولها يبن الحلالي
عبدالله الاصعر =
البعير اللي تقوله رح تجوّد في خطامـه=من حلالك ياطويل العمر ماهو من حلالي
الحقيقه فاول الطاروق جتك وفي ختامه=فاتح عينك لكنّك ما نتبهت اول وتالـي
صحت السنتكم وبيض الله وجيهكم
طاروووق رااائع.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
25-Jul-2009, 09:12 PM
العرض الشجري