جعل البهايم كلها تفداك

[شعيل الزلامي]

الاخوه الكرام


االسلام عليكم ورحمة الله

عسى الايام تجمعنا

والا ياذئب اللي لك حوالي عام خف عواك=وانا خابرك ياذئب تعوي لو مانت جيعاني
انا ياذئب يوم انك تجر الصوت انا معاك=ولوانت يوطن ياذئب وانا في وطن ثاني
ولا ياذئب ياجعل البهايم كلها تفداك=ولو ماناجد اللي ناكله معزا ولاضاني
ولواني الي شرهه على اللي مثلك وشرواك=لكن قدرك على راسي وقلبي بيتك الثاتي
وان ادر انك فرست من الفرايس فوق ماكفاك=لكن صوتك يساوي عندي اشيا مالها اثماني
ولو ان الليال السود مثرة على ممشاك=لكن مايلحقك في دبرة الرحمن نقصاني
انا ياذئب لامريت بارض قد وطتها خطاك=اقول الله يسقي ديرتك ياذئب سرحاني
وانا ياذئب لو كل العرب تجفاك انا ما اجفاك=ولو انك تخيف الناس احس بقربك اماني
عسى الايام تمهلنا ياذئب ونجتمع وياك=على ارض كل مافيها ذياب ولو تعشاني