اثر الردا لو طاب راعيه مادام

[فواز الشيباني]

(( إثر الردا لو طـــاب راعيه ما دام ..! ))

--------------------------------------------------------------------------------

الــســلآآآم عليكم ورحمة الله ..



والله يسعد جميع أوقـــــــاتكم ..’’



قصيده أعجبتني و حبيت أن أنقلها لكم ..’’

..×..×..




اثر الردا لو طـاب راعيه.مـادام
يلحق على النفس الرديـه رداهـا
واثر الردي ماله علامه ومرسـام
ماتفرقـه فـي هرجتـه لا حكاهـا
لاشفتهم في هالهياكـل والاجسـام
قلت اشهدان الطيب عطر الحاهـا
وهم وبر منديل(ن)من الريش ينظام
فالضيق تعرف سنحته وش وراها
يشره وهو ماله على الطيب ملزام
له حوصة(ن)يكسر ضهرك معداها
تزرعبه المعـروف ترجيـه قـدام
تحسبه كما الطيب يثمـن جزاهـا
واليانصيته غطن ايديـه الاكمـام
يصغر بنفسـه والقدايـم نساهـا
تطلب لزومك واثق(ن) منه باحكام
واف(ن)تحسب الناس مثلك وفاهـا
ويباشرك باعذار وحلوف واقسـام
الزبده جيـت وحاجتـك ماقضاهـا

هو مادرا ان العذر فوق الردا خـام
يسلي الردي عن حاجة(ن) مقواها
وفي حق راع الاوله عذره اجـرام
لو دون مطلوبه جحيم(ن) وطاهـا
هو مادرا ان الطيب يجزا بالاكـرام
وعار(ن)جزاةالطيبه فـي سواهـا
هو مادرا ان من اكرمه يملكـه دام
نفسه كريمـه والشهامـه حواهـا
وان الئيم اليا اكرموه العـرب زام
متمـردن فـي رفقتـه ماحماهـا
هو كيف ينسى يوم من بد الايـام
يومـه نصانـي ماحسبنـا مداهـا
نزلت عن جيبي وطنشـت بالـزام
وقفتلـه وانـا معـه مـن بداهـا
بدديت ظرفه والضروره لها احكـام
واليوم شـح بددسنـه ماعطاهـا




تمت ..


ابو طلا ل